أسامة نبيه: تعجلت الظهور التليفزيونى بعد رحيلى عن منتخب الشباب

كشف أسامة نبيه نجم الزمالك ومنتخب مصر الأسبق عن تلقيه دعوة إفطار من جماهير القلعة البيضاء اليوم بعد انتهاء الازمة بينه وبينهم.
وقال أسامة نبيه الذى يحل ضيفاً على برنامج "النجوم في رمضان":"الجمهور عندهم حق وكانوا زعلانين منه بسبب رحيل يوسف ابنى عن نادى الزمالك ، ومهما قولت قصة الموضوع دا ، فيه تفاصيل كتير لكن مش هتوصل زي ما أنا عايز".
ويضيف:" يوسف عقده انتهى وحاولت أتكلم مع المسئولين قبل فترة الفراغ الإداري اللى حصلت ، وقولت ان عقده مش مناسب ليه والعرض اللى أتقدم لينا كان ضعيف ، بس ملقتش أي رد فعل ، وجمهور الزمالك زعل منى ، بس الحمد لله بعتولى دعوة فطار اليوم في المريوطية والحمد لله رايح ".
وتابع:" ابنى ليه وجهة نظر وليه شخصية ، بيشاركنى الرأي بس القرار في النهاية هو اللى ياخده ، ولو رجع بيا الزمن مكنتش هوافقه في الرحيل عن الزمالك ، لكن قدر الله وماشاء فعل ، لسه الكورة فيها كتير ، واللى بينا وبين الزمالك كبير".
وأكمل:" أتمنى يوسف يرجع الزمالك ، ولازم يشتغل على نفسه ويرجع يوسف بتاع زمان وعنده الفرصة حالياً في زد عشان يرجع تانى".

أسامة نبيه : استعجلت في الظهور التليفزيونى بعد اعتذارى عن الاستمرار مع منتخب الشباب
فى السياق ذاته، يري أسامة نبيه نجم الزمالك ومنتخب مصر الأسبق أن استعجل في الظهور التليفزيونى عقب تقديمه اعتذار عن الاستمرار مع منتخب الشباب بعد المشاركة في كأس العالم،وقال أسامة نبيه :" كلفت من هانى أبو ريدة في ديسمبر 2024 بتولى مسئولية تدريب منتخب الشباب وتوليت المسئولية فعلا في فبراير 2025 وحتى يونيو 2025 ، يعنى شهور ورحلة قصيرة والأمور مكنتش كويسة ، فقررت الاعتذار بعد نهاية كأس العالم ودا طبيعى عشان ارفع الحرج عن مجلس الإدارة ".
ويضيف:" كنت عامل برنامج مدته سنتين ونصف وفاكر أن الدنيا هيكون فيها استقرار زي فترة وجودى مع المنتخب الأول لكن دا محصلش، واي جهاز عشان ينجح لازم يكون عنده استقرار".
وتابع:" مش هنكر انى استعجلت في الظهور التليفزيونى بعد رحيلى عن منتخب الشباب ، بس بردو كلامى اتقطع وخرج للناس بطريقة تانية".