مش مرتاحه لتصرفاته ..؟

السلام عليكم ورحمة الله
أولاً مشكورين على ردودكم وتعبكم
خطيبى تدينه واخلاقه مش أوى يعنى كان عارف بنات قبل كده وفى كلام بيقولوا بحس منه أنه مهتم بمواضيع البنات وبيحب يتكلم فيها، وفى أول خطوبتنا كان بيقول كلام فى التليفون مش بيعجبنى وقولتله فبطله وبعدين بقا بيعمل حاجه تانيه فى التليفون كنت بحسبه بيقولها بنيه عاديه لحد ما فى مره بقوله بس خلاص رد عليا بكلمه عرفت منها انه مكنش بيعملها بحسن نيه، أنا الحمد لله متدينه ومحترمه جدا وخطيبى ده مش اوى ، هو بيحاول يتغير بس فى نفس الوقت فى حاجات بيفكر فيها ونفسه جدا يعملها لكن علشان انا بصده اوى فمش عارف مع انه بيفضل يقولى عادى اننا نعمل كذا ( زى مسك الايد او اى كلام بسيط ) علشان عارف ان ده اخرى وانا مش بوافق برده الحمد لله
المشكله انه وهو بيكلمنى اخره بحبك وحشتينى بس بلاقيه بيقولها بطريقه غريبه كده كانه حاسسها اوى بس بطريقه مش مريحانى وبيفضل ينهج ويهيم اوى فى المكالمه ولما قالى انتى حاسه بيا دلوقتى قولتله انا حاساك انك غريب ومش مريحنى قالى انى لما بقوله بحبك او اى كلام حب بيهديه شويه او بيصبره بس قالهالى بطريقه تانيه حاسستنى انه بيفكر فى حاجات مش كويسه وانه شخص مش كويس ، فانا حاسه انه صابر عليا علشان بيحبنى بس هو ممكن يكون بيعمل اى حاجه من ورايا ، وخايفه بعد الجواز مكفيهوش مثلا فيعمل اى حاجه غلط او يخونى
وشكرا مره تانيه ومعلش انى بصدعكم بس اريد نصيحه
صديقتنا العزيزة
من أهم الأشياء التي يجب أن تشعري بها عند وجودك مع من سيكون شريك حياتك , هو الشعور بالأمان فإذا كنت من الآن لا تشعري معه بالأمان , فماذا أنتِ فاعلة بعد ذلك , وأعلمي جيدًا أن من يحب شخص يحافظ عليه , ويكون قدوة له في كل فعل , فإذا سقط هذا الأحساس , فلن تسير الأمور كما تحبين.
فأسألي نفسك هل تشعرين معه بالأمان ؟
هل فعلاً هو يريد التغيير من نفسه أم هذه مكيده منه ؟
وهل هناك دلائل على هذا التغيير؟
فأنتِ وحدك من تستطيعي الأجابة على هذه الأسئلة وعندما تتوصلي للأجابة عليك بإتخاذ قرار مناسب وحاسم حتى لا يكون الوقت قد فات
وأتمنى من الله أن يهديك ويرشدك لما فيه الخير.