منة شلبي: «بختار الأدوار بإحساسي بس ويا رب أكون صح»

كشفت الفنانة منة شلبي، كواليس من بدايتها وكيفية اختياراتها، وتحدثت عن أدوارها المميزة في السينما والدراما.
وقالت منة خلال «ماستر كلاس» خاص بها في مهرجان الجونة الدورة الثامنة عن اختيارتها في الأفلام: «أوقات بختار غلط، ممكن أعتذر عن حاجات وتبقى مهمة، واعتذرت عن أعمال عملت نجاح كبير أوي وصناعها انتصروا».
وتابعت: «اختياراتي أكيد مش كلها صح.. المهم بالنسبة لي في اختياراتي أني أصدق البنت دي ولا لا الورق مكتوب حلو ولا لا.. بختار الأدوار بإحساسي بس ويارب أكون صح».
وقالت منة شلبي خلال تكريمها بمهرجان الجونة السينمائي: «من أكثر من 25 سنه، حلمت إن في دعوة هيتكب لي فيها الفنانة منة شلبي، والنهاردة أنا واقفة عشان حظي حلو وعندي موهبة أعرف أروح بيها للناس بتفكر إزاي وبتحس من مختلف فئاتهم وتعليمهم ودي منحة إلهية كبيرة».
وتابعت: «اشتغلت مع فنانين كبار زي ليلى علوي وهالة صدقي ومحمود عبدالعزيز وإلهام شاهين ويسرا، وكنت باحلم أسلم عليهم، لكن دلوقتي بقى عندي الشرف أتعلم منهم قد إيه المهنة إزاي عظيمة ومهمة وكمان مستحيل أكون هنا من غير المخرجين وبحب السيما».