بيتقدملي عرسان كتير!

السلام عليكم لو سمحت انا اتقدملي ناس بيتقدموا ومبيجوش تاني مع العلم بيطلبوا بعد اول مرة انهم يقعدوا يتكلموا معايا بس طلبوا ومحدش لسة جه مع العلم الحمد لله مليش تجارب سابقه وصحوبية بس امي بتفضل تتريق عليه وتقولي هو حد هيرضي يبصلك عشان انا رفيعة يعني هي عيزاني اكون مربربه وتعبت معاها افهمها ان الجواز نصيب وقدر وفي وقت معين هيجي انا بقيت اتنازل عن الصفات الي عيزاها عشان اريحهم هي عندها ان طلالما هي موافقة يبقي انا لازم اوافق وألغي رأيي خالص وتعبت مع الكلام معاها وبتخلي ناس يدخلو عشان يقنعوني أنا غلبت والله وبصلي أستخارة والعريس مبيجيش تاني مرة انا عاوزة أفهم هو انا عملت اية في دنيتي انا عارفة ان دا أبتلاء أو ربنا عايز يشوفني هصبر ولا لا أنا صابرة بس إلي حوليا مخليني كرهت نفسي وحياتي وكل حاجة هل كدا هكون أغضبت أمي هي ديما تقولي مش هتبقي سعيدة وبتدعيلي تقولي يارب تروحي مع أربع سلايف وبيت عيلة عشان تتوهي أنا معملتش فيها حاجة قولولي أتعامل معاها ومع ألي حوليا ازاي لاني أدمرت نفسيا بسببهم كل الي جم يتقدمولي مكنش فيه قبول وكنت بصلي وادعي لو شر ربنا يبعدهم عني بس لما هما ميردوش علينا أفضل أسأل نفسي هو أنا وحشة؟ فيا حاجة وحشة ولا عيب ولا أيه؟ والي حواليا نظراتهم بتتغير أفيدوني أنا تعبت من كل الناس دي أنا مش مسروعة ع الجواز بس الناس تعبوني بكلامهم
صديقتنا العزيزة
استعينى بالصبر على امك وعليكى بالدعاء لنفسك ولوالدتك ,ولابد ان تعلمى انها فى النهايه اكيد تتمنى لك السعاده من كل قلبها حتى ولو اظهرت عكس ذلك ، هناك بعض الاشخاص لا يستطيعون ان يظهروا مشاعر الحب حتى لأبنائهم لانهم يعتقدون ان هذا ضعف وهذه حقيقة ,والدى رحمة الله كان من هذا النوع مثل والدتك تماما بل اسوء من ذلك ولكن الحمد له تغير فيما بعد عندما رأى بنفسه تأثير ذلك علينا ، اختى الحبيبه اصبرى وادعى الله عز وجل وان شاء الله تتغير الاحوال