فشلت ولكن؟

أنا إسراء أولى كلية بعت ليكوا من مدة أني هسافر لكلية ألسن عين شمس في القاهرة، وأنا من اسكندرية وسألت على كيف أستعد للتجربة، بصراحة فشلت أنى أكمل وحولت إلى كليه تربية في اسكندرية، ودى أعلى كلية التحقت بها فى المحافظة زعلت على مجموعي وعلى فلوس أهلى التي ضاعت على الفاضي، بس أول حاجة حسستني أنى ممكن ما أكملش هى اللغة أنا كنت عايزة ألمانى وعلشان نص درجه اخدت تركى..
ما علينا من كل ده أنا حولت ساعات بشوف ده فشل مني؟ أو عدم تصميم على النجاح وساعات أكتر بشوفه سوء اختيار لاى كنت عايزه اعلام بس سمعت كلام ناس قالولى شهاده اعلام زى قلتها تسافرى وتتبهدلى على ايه ليها ده حتى الى شغالينفى اعلام مش شرط يكونوا كليه اعلام اسفه على الاطاله بس انا حبيت اففضليكوا انا حولت تربيه واخترت قسم علم نفس والمره دى اخترت الى بحبه لان فى ناس قالتلى فى اقسام احلى واقيم فى الكليه بس كده أنا عايزه حد يقولى أنا كده ضعيفه ولا فاشله؟ وازاى ما افكر شفى الى حصل وابص لقدام علشان انجح فى الى أنا فيه.
صديقتنا العزيزة
هذا ليس فشل، ولكن هذا قدرك ونصيبك فاقبلي به لعله خير إن شاء الله، و مش مهم الكلية هي إيه المهم إن دي حاجة في الآخر انتي مقتنعه بيها و تحبيها وتكوني مبسوطة وانتي فيها وبتدرسيها وتقدري تتفوقي فيها، والأهم من ذلك لابد، وأن تشعري بالرضا لما انت فيه ولاتجعلي شعور الفشل يمتلك تفكيرك، لا تحزني، و تقولي فلوس أهلي وتعبي وتعبهم ضاعوا علي الفاضي، بالعكس خدي ده هدف ليكي واشتغلي عليه قولي أنا هتفوق لان مش فاشلة، أنا هتميز في مجالي من أجلي أنا ومن أجلهم وعندما تحققين النجاح عندها سوف تكونين فخوره، بنفسك وتشعري بالراحة وتقولين هذا من فضل ربي.