أَنهي خطبتك فوراً فالرجولة ليست يداً طرشاء وصوتاً جهورياً

السلام عليكم.. أنا عندي مشكلة، ونفسي تساعدوني في حلها.. أنا سني 24 سنة، مخطوبة؛ بس مش مبسوطة.
خطيبي دايماً يعاملني على إني أقلّ منه في التفكير، وعمر ما تفكيري هيوصل لتفكيره؛ مع إنه أكبر مني ب5سنين؛ بس على طول عصبي ومتهور؛ لدرجة إنها وصلت إنه يشتمني ساعة ما يكون متنرفز أو يخبطني.. وآخر مشكلة بينه وبين إخواتي شتم إخواتي؛ مع إنه هو اللي غلطان، والموضوع اتطور لدرجة إنه مش بيكلمني أنا؛ مع إني ماليش أي ذنب، واتهمني إني ضعيفة الشخصية، وماعنديش مبدأ لأني المفروض أخاصمهم عشانه.
أنا باشتغل مُدرّسة وباعمل دراسات عُليا؛ يعني تفكيري مش محدود زي ما هو بيقول، وناس كتير بتعترف لي إني ذكية ومعتمدة على نفسي في حاجات كتير، المشكلة إني وصلت معاه دلوقتي لمرحلة إني صعب أتفاهم معاه وخصوصاً؛ لأنه مسافر بره مصر.
أنا بقالي سنة مخطوبة، مش سهل عليّ إني أضيّع السنة دي، وكنت مخطوبة قبل كده؛ يعني هاكون اتخطبت مرتين، وسيبت، وفي المرتين كانت خطوبة من غير حب؛ يعني أول مرة أتعرّف عليه كنا بنلبس الدبل.
أنا خايفة أسيبه، وفي نفس الوقت مش لاقية مساحة للتفاهم معاه.. ممكن تساعدوني آخد قرار.
Gogo

لو عايز تفضفض لنا دوس هنا