الحب مش كلام.. لو قد المسئولية أكيد كان قدر يعمل حاجة

السلام عليكم.. أنا هاحاول ما أطوّلش؛ بس أنا حاسة إن نفسيتي تعبانة، أنا كنت بحب واحد، وكان كويس جداً؛ بس اللي حصل إن والده مش وافق عليّ لأسباب كتير، أهمها فرق السن اللي بينه وبيني.
وبعدين اتقدم لي واحد والدي يبقى رئيسه في الشغل، وأهلي كانوا عارفين إني بحب الشخص الأولاني لأن فيه علاقة صداقة بين أسرته وأسرتي.
المهم إن والدي عرف إن والده رفضني ومش هيوافق أبداً على استمرار علاقتي بابنه؛ فوافق على خطيبي وأنا كمان وافقت بس بعقلي.
أنا مش قادرة أنسى حبيبي الأولّاني، ودايماً في بالي، ومش قادرة كمان أحب خطيبي ودايماً بافتعل المشاكل معاه؛ مع إني متأكدة إنه حتى لو سابني مش هارجع لحبيبي.
أنا نفسي أنساه وأحب خطيبي لأنه بجد طيب أوي وبيحبني جداً من أكتر من أربع سنين؛ بس هو كان عاوز يكون في مستوى كويس مادياً عشان يسعدني.. أنا نفسي أكون كويسة معاه وماحسش إني باظلمه.. مش عارفة أعمل إيه.
Egypt queen

لو عايز تفضفض لنا دوس هنا