مخطوبة وباحن لحبيبي الأولاني

السلام عليكم.. أنا بجد بحب موقع "بص وطل" جداً جداً، أنا الحقيقة كنت بحب واحد لمدة 3 سنين وبعدين ما حصلش نصيب، بس أنا وهو كنا بنحب بعض جدا، وكان نفسه يتقدم لي بس ماما ما وافقتش لما أنا قلت لها، وبعدين ابن خالتي اتقدم لي وأنا وافقت بعد تعب كتير جدا بس وافقت عشان أرضي ماما وعشان عرفت إنه بيحبني، وكان عندي إحساس بالذنب لو كنت رفضته وفعلا اتخطبنا وأخدت وقت كتير على ما اتقبلت الموضوع وبقيت باحس إني بحبه.
بس لما باشوف حبيبي الأولاني بتعب جداً وببقى عايزة أسيب خطيبي وباحن لأيام زمان، وباحس إن الماضي كان أحلى من اللي أنا فيه؛ لأن الحب الأول بطبيعته بيكون أجمل خصوصاً لو كان حقيقي وأنا دلوقتي مش عارفة أنا بحب مين أكتر حبيبي الأولاني ولا خطيبي، أنا أحيانا ببقى عايزة أرجع للماضي، وأحيانا بافضل إني أستمر مع خطيبي بس لما بافتكر أو أشوف حبيبي بتعب جدا وباتمنى الموت ومش ببقى قادرة أبص في عينه؛ لأني أنا اللي سيبته أرجوكم أفيدوني أنا بجد محتارة.
D

لو عايز تفضفض لنا دوووس هنا