أنا كنت بحب واحد وسابني علشان أهله كانوا أغنى مننا، بس المشكلة إن أنا بعدها بفترة صغيرة أوي اتقدم ليّ واحد، والمشكلة إني حسيت إني مقتنعة به أوي مع إن في فرق كبير أوي بينا في التعليم، أنا في كلية وهو مش مكمل تعليم وكمان كان متجوّز بس مراته ماتت وهي بتولد، بس ده بالنسبة ليّ ما كانش مشكلة؛ لأني بحب الأطفال أوي ونفسي إني أربي البيبي ده. المشكلة إن أنا بقيت بحس إن أنا كنت موافقة في البداية علشان أنا كنت مجروحة، وخصوصاً بعد ما اللي أنا كنت بحبه خطب واحدة تانية، بس لما خطيبي ده بيبقى طيب وحنين معايا وبيحسسني بحبه ليّ أنا بحس إن أنا بحبه أوي، لكن كل لما باشوف اللي أنا كنت بحبه بحس إن أنا مش طايقه نفسي ولا طايقة خطيبي وباكلمه بأسلوب مش كويس، مع إني عارفة إنه بيحبني أوي.. أنا مش عارفة أنا بحبه ولا لأ؟! ومش عارفة أكمّل معاه ولا مش هعرف أحب غير حبيبي الأولاني؟؟ ساعدوني. ص ص