بجد أحيكم على الموقع الأكتر من رائع ده، وربنا يبارك لكم على اللي إنتم بتعملوه. أنا مشكلتي يمكن تكون صغيرة؛ بس مضايقاني.. أنا عندي 17 سنة، في تالتة ثانوي، بيحبي ابن خالي أوي، وبيحاول يعمل أي حاجة يرضيني بيها أو يثبت لي بيها إنه بيحبني؛ بس أنا مش قادرة أحبه. هو عنده 19 سنة، وهو ناوي لما يكبر شوية يتقدم لي، هو إنسان كويس أوي وحنين أوي وأصحابي بيقولوا لي حرام عليكِ بعد كل اللي عمله عشانك تسيبيه. مش عارفة أعمل إيه، أكمّل معاه لأن صعب ألاقي حد زيّه تاني ولا أقول له الحقيقة؟ أنا خايفة أجرحه لأنه فعلاً بيحبني أوي.. سوري لو طوّلت بس أنا فعلاً تعبت.