أنا مشكلتي إني غلطت وعاوز أصلّح الغلط.. أنا واحدة كنت ارتبطت بواحد لمدة شهر، وبعدين جه خطبني، وكنت سعيدة أوي، وكان فرحان أوي وهو بيموت في التراب اللي بامشي عليه. بعد الخطوبة بشهر اكتشفت إن قريبتي كانت بترسم عليه، وهو ما عبّرهاش وبدأت طبعاً تعمل لنا مشاكل جامدة، ومامتها اللي كانت بتساعدها، وكانت تتعمد تشتم عليّ قدامه، وتعمل لنا مشاكل كبيرة، وبسببها كنّا بنتخانق كتير أوي، وهي قريبتنا إحنا الاتنين. المهم من كتر المشاكل أنا حالتي النفسية بقت وحشة، وبقيت أتخانق معاه من سبب ومن غير سبب، وعاملته وحش أوي، وهو كان بيحبني أوي، وكان مستحملني، وأنا وصلت لدرجة إني خليت بابا يدي له الدبلة ويمشّيه. بس أنا بعد ما سيبته زعلت أوي، أنا بحبه وهو بيحبني، وغلطت لما ضيّعته مني، وعاوزة أرجع ليه تاني؛ بس خايفة أكلمه عشان كرامتي، وهي طبعاً ما صدقت نسيب بعض وزوّدت الرسم عليه؛ مع العلم إن أنا وهو كليات مرموقة من أعلى الشهادات؛ لكن هي أقل مني شوية في الشهادة. وأنا خايفة أحسن يغيظني ويروح لواحدة تانية، أنا ساعتها ممكن أموت، أنا ضيّعته من إيدي وأنا بحبه ونفسي يرجع لي تاني؛ مع الحفاظ على كرامتي. ا. عمان