سلطة الحمص بالزبادي للمشويات

أعدّها لكم: آية أشرف
النهاردة هنعمل سلطة سهلة وصحية، ممكن تستبدليها بسلطة الطحينه وتقدميها مع المشويات وهي سلطة الحمص بالزبادي.
سلطة الحمص بالزبادي
المكونات:
2 علبة حمص
كوب زبادي
2 فص ثوم مفروم
2 عصير ليمون
ملعقة صغيرة كمون
1⁄2 ملعقة صغيرة ملح
1⁄4ملعقة صغيرة شطة
1⁄2ملعقة صغيرة بابريكا
ملعقة كبيرة زعتر طازج
ملعقة كبيرة زيت زيتون
الطريقة:
1- صفي الحمص من المية وحطيه في المطحنة (الكبّة) وبعد كدة ضيفي عليه الزبادي والثوم واطحني المكونات كويس لحد ما يبقى الخليط متجانس.
2- ضيفي على السلطة باقي المكونات الموجودة عندك واستمري في الضرب.
3- حطي السلطة في طبق التقديم وزينيها برشة من البابريكا.. وبالهنا والشفا.

خلصت وصفتنا النهاردة..
استنونا كل يوم مع وصفات جديدة..
سلام،،،