بالفيديو .. دبابيس الفراخ بخلطة الثوم

النهارده هنعمل مع بعض دبابيس الفراخ بخلطة الثوم، أكلة سريعة وبسيطة لعيلتك، وممكن تقدميها مع الطحينة.
دبابيس الفراخ بخلطة الثوم
المقادير:
كيلو دبابيس فراخ
2 ملعقة صغيرة بابريكا
كوب جبنة رومي مبشورة
ملعقة صغيرة روزماري
2 ملعقة كبيرة بقسماط
ملعقة كبيرة فلفل أسود
1/3 كوب خل بلسمك
4 ملعقة زيت زيتون
ملعقة صغيرة زعتر
ملعقة صغيرة توابل
3⁄4 كوب ميه
10 فص ثوم
ملح وشطة
الطريقة:
1- حطي الميه على النار وضيفي عليها الخل والتوابل والروزماري والزعتر وسيبيها تغلي على النار، وبعدين ضيفي الفراخ للخليط وسيبيها تغلي لمدة 15 دقيقة.
2- صفي الفراخ من الخليط وسيبيهم على جنب يبردوا، افرمي الثوم مع رشة ملح وحطيه في حلة على النار وضيفي عليه زيت الزيتون والفلفل الأسود والبابريكا والشطة، بعد كده ضيفي الفراخ ورشي عليهم البقسماط وقلبيهم مع بعض، وبعدين رشي عليهم الجبنة الرومي وقلبيهم مع بعض على النار.
3- ادهني الصينية بزيت زيتون وحطي فيها الفراخ، وبعد كده رشي عليها الجبنة الرومي، وبعدين دخليها الفرن من 20 - 25 دقيقة، وقدميه.. وبالهنا والشفا.

إضغط لمشاهدة الفيديو:
خلصت وصفتنا النهارده..
استنونا كل يوم مع وصفات جديدة..
سلام،،،