فراخ بانيه في الفرن على "سفرة دايمة"

أعدّها لكم: نيرة أحمد
النهارده هنعمل مع بعض بانيه في الفرن ليكي ولأسرتك، وممكن تقدّميه مع مكرونة أو بطاطس.
فراخ بانيه في الفرن
المقادير:
5 شريحة فراخ بانيه
ملعقة صغيرة مستردة
ملعقة صغيرة زيت
ملح وفلفل أسود
كوب بقسماط
علبة زبادي
بودرة بصل
كوب دقيق
2 بيضة
توابل
الطريقة:
1- تبّلي الفراخ بالمستردة والتوابل وبودرة البصل والزبادي، وبعدين غطّيهم في الدقيق، وبعد كده امزجي البيض مع الملح والفلفل الأسود وغطّي فيهم الفراخ.
2- امزجي البقسماط مع ملعقة زيت وغطّي الفراخ فيه، وبعدين ادهني الصينية (أو طاسة فرن) بنسبة بسيطة من الزيت، وبعد كده ابدئي رصّي البانيه فيها ودخليها فرن درجة حرارته 200 درجة مئوية لحد ما يبقى لونهم دهبي، وقدّميها.. وبالهنا والشفا.

خلصت وصفتنا النهارده..
استنونا كل يوم مع وصفات جديدة..
سلام،،