أيام رمضان غير باقي أيام السنة، كلنا بنبقى عايزين نعمل كل يوم أكل أحلى من اليوم اللي قبله، وعلشان ماتتعبيش في التفكير والاختيار، "بص وطل" هتقدّم لك كل يوم عزومة كاملة من العصير للسحور.. على سفرة النهارده هيكون موجود عصير السوبيا البيتي وسلطة الجزر وشوربة لسان العصفور بالخضار وبرياني الفراخ وبودنج البلح وعلى السحور هنقدّم لك شكشوكة البيض والطماطم.
سوبيا بيتي سوبيا بيتي المقادير: 1⁄2 كوب أرز مسلوق 4 ملعقة كبيرة جوز هند 1⁄2 كوب سكر 3 كوب لبن كوب ميه فانيليا الطريقة: اضربي كل المكونات في الخلاط، وقدميهم في كاسات فيها مكعبات ثلج، واستمتعي بطعم السوبيا الرائع في البيت من صنع إيدك.
شوربة لسان العصفور بالخضار شوربة لسان العصفور بالخضار المقادير: كوب لسان عصفور 1⁄4 كوب فاصوليا خضراء مقطّعة ثمرة بطاطس مقطّعة مكعبات ثمرة كوسة مقطّعة مكعبات ثمرة جزر مقطّعة مكعبات 2 ملعقة كبيرة زيت نباتي ثمرة بصل مقطعة أرباع مكعب مرقة دجاج 1⁄4 كوب بسلة 2 كوب شوربة ملح وفلفل الطريقة: 1- سخني الزيت في حلة وشوّحي فيه لسان العصفور لحد ما يبقى لونه ذهبي. 2- ضيفي عليه الخضار المقطّع، وشوّحيهم كلهم لحد ما الخضار يبدأ يدبل ويبقى أقرب للنضج. 3- ضيفي مكعب مرقة الدجاج والشوربة والملح والفلفل، وغطّي الحلة وسيبيها على النار لمدة 10 دقايق، وبعد كده ارفعيها من على النار، وقدّميها مع عصير الليمون.
سلطة الجزر سلطة الجزر المقادير: ثمرة جزر كبيرة مبشورة ملعقة كبيرة عصير ليمون 2 فص ثوم مفروم ملعقة كبيرة خل ملح الطريقة: تبّلي الجزر بالثوم والخل والليمون وقدّميه.
برياني بالفراخ برياني بالفراخ مقادير الأرز: 3 كوب أرز بسمتي 1⁄2 ملعقة صغيرة زنجبيل مفروم 2 ملعقة صغيرة ملح ملعقة صغيرة زعفران 3 ملعقة كبيرة زبدة 1⁄4 كوب ماء ورد ثمرة بصل مفرومة 6 فص حبهان 6 فص قرنفل عود قرفة مقادير الفراخ: فرخة كيلو مقطّعة قطع صغيرة ملعقة صغيرة نعناع أخضر مفروم ملعقة كبيرة زنجبيل مفروم 2 ثمرة فلفل أخضر مفروم 4 فصوص ثوم مفرومين بصلة كبيرة مفرومة ملعقة كبيرة زبدة ملعقة كبيرة زيت توابل (بهارات وكاري وكركم وقرفة وكزبرة وحبهان) ملح وفلفل أسود 2 كوب زبادي 2 ورقة لاورا الطريقة: 1- اغسلي الأرز وانقعيه في الميه حوالي نصف ساعة، ودوّبي الزعفران في مية الورد في كوب صغير، وسيبيه على جنب. 2- في الوقت اللي هتسيبي الأرز يتنقع فيه، هاتي حلة تانية، وحطّيها على النار، وحطّي فيها الزبدة، والزيت، وشوّحي فيها البصل المفروم والزنجبيل والثوم، وقلّبيهم مع بعض كويس. 3- بعد كده ضيفي عليهم قطع الفراخ والفلفل الأخضر، وشوّحيهم مع بعض وضيفي عليهم النعناع وورق اللاورا والتوابل، وقلّبيهم مع بعض كويس جدا، وضيفي على الخليط نصف كوب ميه، وسيبيهم على النار شوية. 4- ضيفي الزبادي على الفراخ، وقلّبي الخليط كويس، وسيبيهم على النار لغاية ما الفراخ تستوي. 5- لتحضير الأرز، سيّحي الزبدة في حلة على النار، وشوّحي فيها البصل والزنجبيل وضيفي عليهم الحبهان والقرنفل والقرفة وقلّبيهم مع بعض لغاية ما ريحة التوابل تطلع. 6- صفّي الأرز وضيفي عليه خليط ماء الورد والزعفران وقلّبيهم مع بعض، وبعد كده ضيفيه على البصل اللي على النار، وقلّبيهم مع بعض كويس لغاية ما الأرز يختلط تماما مع البصل، ويتشرّب بطعم التوابل، وبعد كده ضيفي عليه الميه وسيبيهم على نار عالية لغاية ما الأرز يتشرّب معظم كمية الميه. 7- بعد كده وزّعي قطع الفراخ على سطح الأرز، واسقيه بخليط الزبادي، وغطّي الحلة، وسيبيهم مع بعض على النار لغاية ما الأرز يستوي تماما. 8- ارفعي الحلة من على النار وشيلي قطع الفراخ على جنب، واغرفي الأرز في طبق التقديم، وبعد كده رصّي عليه الفراخ وزيّنيه بالمكسرات المحمصة والبقدونس المفروم، وقدّميه.
بودنج البلح بودنج البلح المقادير: 13⁄4 كوب دقيق 1⁄4 كيلو تمر منزوع النوى 11⁄2 كوب ميه سخنة ملعقة صغبيرة كربوناتو 1/8 كيلو زبدة طرية كوب سكر 2 بيضة فانيليا الطريقة: 1- اخلطي التمر مع الكربوناتو وصبّي عليهم الميه السخنة وسيبيهم على جنب لمدة 20 دقيقة. 2- اخلطي الزبدة مع السكر والفانيليا ، واخفقيهم مع بعض بالمضرب الكهربي لغاية ما يختلطوا ويتجانسوا تماما ويبقى الخليط عامل زي الكريمة. 3- ضيفي بيضة واحدة على الخليط، واضربيهم كويس جدا مع بعض لغاية ما يتجانسوا، وبعد كده ضيفي البيضة التانية واخلطيهم كويس جدا. 4- ضيفي خليط التمر والدقيق على خليط الزبدة والبيض، وقلّبيهم مع بعض كويس جدا باستخدام ملعقة معدنية كبيرة، لغاية ما يختلطوا كويس وبتجانسوا مع بعض. 5- هاتي صينية وادهنيها بطبقة خفيفة من الزبدة، وصبّي فيها خليط البودينج، ودخّليها في فرن ساخن على 180 درجة وسيبيها لمدة من 35 : 40 دقيقة لغاية ما البودينج يستوي تماما، وممكن تتأكدي من كده بإنك تدّخلي عود خشبي فيه ولو طلع نظيف يبقى استوى. 6- طلّعي البودينج من الفرن وسيبيه يبرد شوية وقطّعيه وقدّميه، وممكن تقدّمي معاه صوص كراميل.
شكشوكة البيض والطماطم للسحور.. شكشوكة البيض والطماطم المقادير: 4 بيضات 2 ثمرة طماطم مفرومة ملعقة كبيرة بقدونس مفروم ملعقة صغيرة زيت زيتون بصلة مفرومة ملح وفلفل وتوابل الطريقة 1- شوّحي البصل مع زيت الزيتون في طاسة على النار، وضيفي عليه الطماطم وقلبيهم شوية مع بعض. 2- اخفقي البيض مع التوابل والبقدونس في طبق منفصل، وبعدين ضيفيه على خليط الطماطم والبصل، وسيبيهم على نار هادية لحد ما يستووا، وبعد كده قدّمي الشكشوكة سخنة. وبكده خلصت عزومة النهارده.. مستنيين تجرّبي وتقولي لنا إيه رأيك.. واستنينا بكرة إن شاء الله مع عزومة جديدة.. نتمنى لكم صوما مقبولا وإفطارا شهيا بمشيئة الله.. سلام،،،