الشاورما على "سفرة دايمة"

أعدّها لكم: نيرة أحمد
النهارده هنعمل مع بعض شاورمة اللحمة من عمايل إيديكي ليكي ولأسرتك.
الشاورما
المقادير:
1⁄2 كيلو لحمة كندوز مقطعة شرائح
2 ثمرة طماطم مقطعة مكعبات صغيرة
ثمرة بصل مقطعة شرائح
ملعقة كبيرة خل
ملح وفلفل أسود
توابل شاورما
الطريقة:
1- سخني الطاسة كويس على النار وحطي فيها الزيت واللحمة وشوحيها، وبعدين ضيفي عليها التوابل والخل والملح والفلفل الأسود والبصل، وقلبيهم مع بعض على النار لمدة من 5 -10 دقائق.
2- ضيفي عليها الطماطم وقلبيهم مع بعض لمدة 10 دقائق، وممكن تعمليها ساندوتشات أو تقدميها زي ما هي مع سلطة الطحينة والبقدونس.. وبالهنا والشفا.

خلصت وصفتنا النهارده..
استنونا كل يوم مع وصفات جديدة..
سلام،،