حلول سريعة وعملية لمشاكل البيت اليومية

أسماء مصطفى
كلنا بتواجهنا مشاكل في المطبخ والبيت بنبذل مجهود كبير علشان نحلها ولكن مش بننجح في حلها لأننا بنجرب بطريقة غلط، معظم المشكلات دي حلولها بسيطة جدا وسريعة ومش بتحتاج مجهود كبير، النهارده جبنالك حلول سريعة لأكتر المشكلات اللي بتقابليها في بيتك.
للبيت والملابس
- للتخلص من النمل ضعي قشر الخيار في المكان اللي بيخرج منه النمل.
- لبريق ولمعان ماحلصش للمرايات امسحيها بالسبرتو.
- لو لبانة التصقت بالملابس، ضعي قطعة الملابس في الفريزر لمدة ساعة، بعدين انزعي منها اللبانة بسهولة.
- لبياض ناصع، ضعي البياضات بعد غسلها في ماء مغلي مضاف إليه شريحة ليمون.
- لإزالة بقع الحبر عن الملابس، ضعي كمية من معجون الأسنان على الحبر واتركيه يجف تماما، بعدين اغسليه.
- للتخلص من الفئران، رشي فلفل أسود في الأماكن المحتمل وجود فئران بها، الفئان هتهرب بسرعة من رائحة الفلفل.
- لإبعاد الناموس في الليل، ضعي بعض أوراق نعناع طازج قريب من السرير، الوسادة، وفي أنحاء الغرفة.
للمطبخ
- لإزالة رائحة السمك من إيديكي، اغسلي إيديك بقليل من خل التفاح.
- لمكعبات ثلج نقية زي اللي في المطاعم الكبرى، اغلي المياه قبل صبها في المكعبات.
- علشان تحصلي على كمية أكبر من عصارة الليمون، ضعي الليمون في ماء ساخن لمدة ساعة قبل عصره.
- لمنع الدموع عند تقطيع البصل، امضغي لبان أثناء تقطيعها.
- للتأكد من صلاحية المشروم، رشي شوية ملح على المشروم لو لونه اتحوّل للأسود يبقى سليم، لو لونه اتحول للأصفر يبقى فاسد وسام.
- لسلق البطاطس أسرع، قشري البطاطس بشكل جزئي، يعني متشيليش القشرة كلها.
- لسلق البيض أسرع وسهولة تقشيره، ضيفي شوية ملح لماء السلق.
- لإذابة الدجاجة المجمدة، ضعيها في مياه باردة مضافا إليها 2 ملعقة ملح كبيرة.
وبكده نبقى قدمنا لك حلول ونصايح سريعة لبيتك ولمطبخك علشان تبقي ست بيت شاطرة.