كيكة الأناناس على "سفرة دايمة"

هنعمل مع بعض النهارده كيكة الأناناس بطريقة سهلة، جربيها معانا وقولي لنا على رأيك.
كيكة الأناناس
المقادير:
كوب كمبوت أناناس مقطع
ملعقة كبيرة عصير أناناس
2 ملعقة صغيرة بيكينج بودر
4 ملعقة كبيرة زبدة مجمدة
1/8 ملعقة صغيرة حبهان
1⁄2 كوب سكر أبيض
1⁄2 كوب زبدة سايحة
3⁄4 كوب سكر بني
11⁄2 كوب دقيق
1⁄2 كوب لبن
ذرّة ملح
بيضة
الطريقة:
1- سيحي الزبدة المجمدة على النار وضيفي عليها السكر البني وعصير الأناناس وقلبيهم مع بعض على نار هادية لحد ما الخليط يتجانس ويبدأ في الغليان.
2- شيلي الخليط من على النار وحطيه في صينية وابدأي افردي عليه كمبوت الأناناس لحد ما يغطيه، وبعد كده سيبيه على جنب.
3- في طبق غويط حطي الدقيق وضيفي عليه الحبهان والملح والبيكينج بودر والسكر الأبيض واخلطيهم مع بعض لحد ما يتجانسوا.
4- اخلطي البيضة مع اللبن وضيفيهم على خليط الدقيق، وبعد كده ضيفي عليهم الزبدة السايحة وابدأي اضربيهم بمضرب اليد لحد ما العجينة تتماسك، وبعدين افردي العجينة على خليط الأناناس لحد ما يغطيه كله.
5- دخلي الكيكة فرن درجة حرارته 200 درجة مئوية لمدة من 30-35 دقيقة، وبعدين طلّعي الكيكة من الفرن وسيبيها تبرد لمدة 10 دقائق، وبعد كده اقلبي الكيكة على الناحية التانية في طبق التقديم وسيبيها تبرد خالص، وقدميها.. وبالهنا والشفا.

خلصت وصفتنا النهارده..
استنونا كل يوم مع وصفات جديدة..
سلام،،