طليقة خطيبي رافعة عليه قضايا وهمية.. نعمل إيه؟

السلام عليكم أنا محتاجة مساعدتكم جدا في الرد على سؤالي، أنا مخطوبة لشخص منفصل عن زوجته وهي رافعة عليه قضية خلع، هي استلمت القايمة بتاعة العفش ومضت ورقة بكده وبعدين راحت ورفعت القضية، لكن في المقابل هي وإخواتها وأهلها بيرفعوا عليه قضايا ملفقة، فمثلا زوجة أخوها رفعت عليه قضية إيصال أمانة وهو عمره ما أخد فلوس منها، ولكن افتكر الإيصال ده لأنه طلع الإيصال اللي كان كاتبه ليلة الفرح مقابل إيجار العربية اللي كان مأجرها للزفة، ولما رجّع العربية للمعرض استلم الإيصال ده وكان بمبلغ 70 ألف جنيه، وهم ليلتها قالوا له هات نشوف الإيصال وقالوا له قطّعناه وطلع إنه لسه معاهم، وبعد كل ده وزواج دام 3 سنين ونص ومافيش أطفال، يا ترى الحل القانوني إيه علشان يخرج من الموضوع ده؟ وعلى فكرة هو حاول التفاهم الودي معاهم طلبوا 30 ألف جنيه ويتنازلوا، وهو مش معاه المبلغ ده أرجوكم ردوا علينا بسرعة.

roadto

جريمة خيانة الأمانة ثابتة بتحرير إيصال أمانة، إلا أن للمحكمة معالجة الموضوع بناء على طلب محامي الدفاع وسماع شهود المتهم، بأن إيصال الأمانة محل الجريمة كان محررا لضمان إعادة السيارة المؤجرة إلى معرض السيارات، بالتالي ينتفي معه القصد الجنائي من الجريمة وهي خيانة الأمانة من جانب المتهم.

عندي مشكلة قانونية.. والدي كان كاتب شيك لواحد سنة 1998 وعندما جاء موعد استحقاق الدفع ذكر الرجل أنه فقد الشيك، فقمنا بسداد المبلغ وكتب لنا ورقة مكتوب فيها إنه استلم جميع فلوسه ومضى، ودلوقتي ظهر الشيك مرة أخرى وبيطالبنا بيه وبيقول إننا لم نقم بتسديده، هل يحق له رفع دعوى ضدنا؟ وهل الشيك له مدة معينة وينتهي بعدها حقه في المطالبة به؟ وشكرا لكم جدا، في انتظار ردكم جزاكم الله خيرا.

hani3ly


أولا الشيك يسقط بالتقادم بعد مرور سنة من تحريره، بالتالي سقط حقه في مطالبتكم به.. ثانيا في حال استخدامه ضدكم بالمحكمة، فغير كونه سقط بالتقادم فإنه يضاف أنكم قمتم بالسداد بموجب ورقة المخالصة الصادرة منه.. لا داعي للقلق.