الأخضر جَىّ
الأخضر حىّ
الأخضر مية بتشرب ضىّ.
الأخضر فى عروق الأغصان
يتحَضّر فى الخشب العريان
ويزَهّر فى موعد وأوان
ويزَهزَه يغزل توب ماله زَىّ
الأخضر جَىّ الأخضر جىّ
الأخضر فى عِلم البساتين
الروح اللى بتطرح فدادين
الفرحة اللى بتِسْرح فى (...)
يا نيل.. يا مية دهب
مين قال زماننا ذهب؟
مركب صغيّر أنا
والسعد من غير سبب
ممكن أطول السما
بمجدافين من خشب
واشق بطن السمك
يطلع لى خاتم عجب.
يا قلب دايب دفا
يا نيل يا سايل حنان
حامل رسايل صفا
من شمس فجر الزمان
يا تِبْر فى كل شِبر
من ألف كنز انسكب
السعد (...)
يا قلبي.. حتي الشوك له بهجة في طلوع الربيع الورد, والبيض الملون
وقوس قزح نور بألوانه الدموع
والخالق العالي المكون
آدي الخشب نبت بتصويره البديع
انظر, تأمل رسمته
واخرج إلي البستان ما أجمل نسمته
وكون مع المنان وعيش في عصمته
من رحمته كان الحنان في (...)
القطة المشمشي: لو دنيا بتختشي كانوا سابوا لنا شوية القطة الأبيض ف اخضر: .......
لو بني آدمين بتقدر
كانوا يسيبوا لنا شوية!
ريحة فتافيت طعمية
لحسة فول.. كده مش أكتر!
.......
دول ناس جعانة يابنتشي
( بنتشي= بنتي مع تعطيش التاء)
ولغيرها (...)