القطة المشمشي: لو دنيا بتختشي كانوا سابوا لنا شوية القطة الأبيض ف اخضر: ....... لو بني آدمين بتقدر كانوا يسيبوا لنا شوية! ريحة فتافيت طعمية لحسة فول.. كده مش أكتر! ....... دول ناس جعانة يابنتشي ( بنتشي= بنتي مع تعطيش التاء) ولغيرها مابتعذرشي مابيعتقوش حاجة خالص غير بس بقايا الطرشي ....... فكرك ح تلاقي كوارع؟! دا رزق رصيف الشارع سفرتنا إحنا وهمه دنيتنا إحنا وهمه أما الحاجات الطعمة للقطط البيضا الناعمة اللي بتلحس شواربها من بعد ما تنتشي اللي اسمها بوسي ونوسي مش باتعة وبعضشي بيضا هي وقرايبها حتي جيرانها ونسايبها أبيض شاهق ومنور مش زيك.. أبيض ف اخضر! ....... (تتصعب) ولا زيك مشمشي.