الرئيس السيسي: نخطط لزراعة 700 ألف فدان جديدة بالمنطقة الغربية

19
كشف الرئيس عبدالفتاح السيسي، عن خطة الدولة المصرية لزراعة 700 ألف فدان جديدة في المنطقة الغربية، ولم يتم الإعلان عنهم حتى الانتهاء من كافة التفاصيل.
وأضاف خلال لقاءه مع أهالي مطروح اليوم: "فيه 700 ألف فدان مش أعلنت عنهم خالص.. بيتعمل 200 كيلو علشان نوصل لحد هناك.. وهنشوف فيه مياه تكفي لزراعة الكمية دي ولا لا.. ولو فيه هنزرعها".
إقرأ أيضاً
* الرئيس السيسي: سنتجاوز التحدي الاقتصادي وسيتحول لماضي مثل الإرهاب
* الرئيس السيسي: 15 مليار جنيه تكلفة إنشاء الطريق من السلوم إلى مطروح
وقال إن الدولة لا تتحدث عن المشروعات الجديدة إلا بعد التأكد منها أنها تحقق الإفادة للمصريين، متابعا: "عاوز اقولكم على حاجة.. مش هتكلم في موضوعات زي دي لغاية ما تخلص.. بس مشروع زي الدلتا الجديدة هل بعيدة عن المحافظة هنا؟.. طب ممكن تشغل ناس وأشغال مختلفة.. تجارة وتاخد منتجات زراعية تروح للأشقاء في ليبيا.. ودي مشروعات على أطراف المحافظة.
وقال إن موضوع المياه للزراعة واستصلاح الأراضي مهم جدا، متابعا: "موضوع المياه موضوع مهم وانا بتعامل معاكم ومش بتكلم إلا بالصدق.. لو فيه فرصة اخلي الترعة ترعتين و3 وأقدر أوصل المياه من شرق مصر إلى أى حتة.. تفتكروا بفضل الله فيه حاجة توقفني.. هتشوفوا خلال شهور قليلة جدا افتتاح الدلتا الجديدة.. طب الدلتا الجديدة دي مش متاحة ليكم.. ولكل مصري.. احنا عملنا الجهد الكبير والأرض متوفرة.. بتتكلم عن 2 مليون فدان".
وأضاف: "فيه مشروعات تانية زي توشكي وشرق العوينات.. وفيه حتت تانية لغاية لما نشوف المياه.. إجراءات الدولة والدراسات اللى بتتعمل تحقق ده.. لا نغامر بالناس في أي حاجة يكون لها مردود مش جيد على مصر.. لكن أزمة كورونا وأزمة روسيا.. مش عملنهم لكن بنتأثر بيهم".
وأوضح أن توصيل المياه لغاية سيدي عبد الرحمن أو الضبعة.. طالما عندي الفرصة هوصل المياه.. ولو مفيش مياه أكد مش هوصل.. حجم المياه اللى متاح ليا على قد زمام منطقة الزراعة في المنطقة المحيطة على سبيل المثال.. احنا عاملين لو متابع.. ترع فوق 80 و100 كيلو.. ترع ضخمة ومسطحة.. مش عندي مشكلة لو فيه مياه.. سيوه عندها فرصة كويسة علشان عندها مياه جوفية علشان ننظم المياه بشكل علمي".
وتابع: "اللى حصل اننا كمواطنين كان المواطن عنده حتة أرض راح نازل على الطبقة السطحية وبدون علم ومعرفشي وطلعت المياه المالحة عليه.. بورت الأرض وضيعت الشجر والزرع.. وعلشان نحل المسألة الموضوع اتكلف 2.7 مليار.. اتقال من 20 -25 سنة لما اتطرح الموضوع ده هو هنصرف مليارات على 4 آلاف أسرة.. قال ننقل الناس بتوع سيوة في حتة تانية ونوفر المبلغ ده واحنا مش عملنا كده.. المبدأ العام للدولة اننا مش نقدر نجور على حقك ولا حق أي مواطن.. واحنا بندور على المصلحة.. والمصلحة بتصب في صالح المواطن في النهاية".
الرئيس عبدالفتاح السيسيزراعة 700 ألف فدان بالمنطقة الغربيةمشروع الدلتا الجديدة