المحلل السياسى أحمد المالح يكتب عن : كله بيرقص كيكى…

ومع الدوشة والصداع اللى عاملاه رقصة تحدى الكيكى حاليا وتقريبا الشغل الشاغل لكل وسائل السوشيال ميديا ..والفضائيات وبرامج التوك شو …
وطبعا ناس كتيرة بتقلد وناس كتيرة هتقلد ..
ونحن كشعوب عربية لا هم لنا إلا التقليد ..نسير وراء الموجة سواء كان لبس أو قصة شعر أو أغنية ..
وقصة الرقصة تعود إلى (شيغى) الذى ابتكر الرقصة وأصبح الأشهر عالميا بنسب مشاهدة عالمية بالملايين على يوتيوب الرقصة ..
وتدور الفكرة حول النزول من سيارة تسير ببطء والرقص على أغنية
in my feelings للمطرب الكندى دريك
وقرأنا عن حوادث وناس وقعت واتشلفطت وناس اتبهدلت وناس اتعورت ..
وبعض الدول العربية بدأت فى سن قوانين تعاقب على الرقصة ..
لخطورتها ولما تسببه من أضرار قد تصل إلى الوفاة خاصة إذا كان من يشاركها غشيما..أو مسطولا أو …
ورأينا فنانين مصريين وعرب يؤدون الرقصة ومنهم ياسمين رئيس ودينا الشربينى وطبعا على أغنية شوقنا لعمرو دياب ..ودرة وإيمان العاصى وأخيرا سما المصرى بالجلابية …عشان الرقصة تكون واقعية ومثيرة ..
ومن الرياضيين كابتن حضرى وطبعا الحضرى بيرقص على نفسه ..
وجاى ليه نفس من روسيا ..بعد الفضايح والهزايم من طوب الأرض ..
وكأننا لم نعد نفكر إلا فى الرقص حلينا كل مشاكلنا خلاص ..
عن نفسى ممكن أرقص كيكى على أغنية ولا كلمة لمى سليم ..وكلماتها أنا خدت من الدنيا نصيبى خلاص …والجرح جانى من أعز الناس…واللى جرحنى له فى قلبى مكان وحبى ليه أكبر من النسيان ..أغنية أكثر من رائعة وصوت رائع ..
نرجع للرقصة …هيصة وشبورة..وهتعدى ويا خوفنا من حوادثك يا رقصة التحدى …