لو صحبك أو صحبتك " سيس " عاوزة رجوع مبارك وأعوانه .. أضربه علي قفاه ليسترجل

شباب الثورة يريدون ضرب الشباب والشابات " السيس " علي قفاهم حتي يسترجلوا .. بخفة دم واضحة أطلق شباب الفيس بوك حملة ضد المنادين بعودة الرئيس السابق حسنى مبارك والرجوع إلى الحكم مرة أخرى تحت عنوان " مظاهرات مليونية لضرب الشباب السيس بتوع آسف يا ريس على قفاهم لحد ما يسترجلوا " .
بسخرية المصريين أطلق الشباب علي الفيس بوك كلمة " السيس " على المؤيدين لمبارك وأعوانه، للتقليل من الشأن، حيث رفع الشباب شعار " اضرب صاحبك لو هو سيس لحد ما يسترجل ويبطل يكون خنفيس " .
وقالوا : " إحنا شباب الثورة ندعو إلى مظاهرة مليونية لضرب كل شاب سيس على قفاه لحد ما يسترجل ويبطل نغمة إحنا آسفين يا ريس، ما ترجع بقى إحنا تعبنا من بعدك يا ريس ، إحنا بنحبك يا ريس ، كل واحد مننا يقابل شاب سيس من دووول يجمع صحابه الرجالة اللى بجد ويروحوا واخدين السيس ده إلى أى ميدان أو شارع أو حارة أو زنجة أو خرابة وينزلوا فوق قفاه ضرب لحد ما يسترجل ويقول أنا آسف يا رجالة الثورة وآسف للثورة وشهدائها ، ومحدش يأخد أى رحمة أو شفقة بيهم ومش يكون قلبك طيب مهما يصرخ ويعيط لأن دى فى مصلحته عشان يكون راجل ويبطل يكون شاب سيس ، إحنا عاوزين رجالة فى البلد " .
وقالوا عن البنات: " وبالنسبة للبنات دووول مش محتاجين توصية ، أى بنت تلاقى صاحبتها بتقول أنا آسفة يا ريس، والله بحبك موووت وأنت ريس جامد، نفس العقاب ليها "