ولاد الحرامية

يخرب بيت الحرامية
سرقوا أمي مصر بهية
كلوا خيرها وطيرها
وسابوها الحرامية
(أحمد عز) وأمثاله
حرامية ولاد حرامية
(أحمد نظيف) ورجاله
حرامية ولاد حرامية
(حبيب العدلي) وأبطاله
حرامية ولاد حرامية
ياكلوا مايونيز وجيلاتي
وانا مالجوع باصرخ وأهاتي
يا ناس شربة مية ولقمة هنية
يا ناس ولا حتة لحمة طرية
ولا حتة جبنة ولا طعمية
يخرب بيت الحرامية
باعوا شركاتي الأهلية
للشركات الغربية
وسرقوا فلوسها الحرامية
في البنوك السوسرية
يخرب بيت أبو الحرامية
من تلاتين سنة حرامية
مش حرامي ولا اتنين
قول ألف ومية
ولا تزعلي يامه بهية
دا انتِ قوية وغنية
وبكرة نوريهم الحرامية
وتحيا الثورة الشبابية
تحيا الثورة الشبابية
ويسقط كل الحرامية
ونشوف فيهم يوم ولاد الحرامية
ونشوف فيهم يوم ولاد الحرامية