الخداع

الخداع
يا من برعت فى فن الخداع
خدعت قلبى بوهم حب ضاع
خداع الحب قاسى
عشته مع حبيبى اللى باع
سهرت ليالى طوال
أغنى للقمر موال
أمنى قلبى وروحى
بحضنه وحنان كفوفه
بس لما أقابله وأشوفه
مش هقبل تانى الوداع
أتاريه ودعنى من غير ما يقولى
سابنى أسهر ليالى أحلم
سابنى أسرح بالخيال وأفكر
يا عينى يا قلبى حبيبى باع
داب مع الأحلام وضاع
من غير ما يلمحلى
أو حتى يخاصمنى ويجرحنى
إدانى الأمل ورسملى
دنيا وردى
خلانى أطير بأحلامى
فى دنيا الهوا من غير شراع
بعدك عنى من غير سؤال
خليتنى ندمت إنى شوفتك
مش عايز حتى أسمع سيرتك
كرهت كل الأسامى
إللى تشبه إسمك
مش عايز حاجه تفكرنى بيك
حتى الشجر
إللى كان بيضلل علينا
بستان الورد إللى كان حبيبنا
كل الأماكن إللى تفكرنى بيك
كانت أوهام وضياع
الأسيه من ملامح طبعك
هنساك وأمسح من خيالى صورتك
يا ريت ما كنت بعينى شوفتك
ولا بنظرة عنيك ناديتينى
لما جريت عليك بقلبى
خدعتنى ابتسامة شفايفك
قربتنى وقلبى إنفتحلك
وبعدين تسيبنى أعيش الصراع
يا طبيب تعالى داوى الجراح
ألآم غدر حبيبى اللى راح
إدينى دوا ينسينى
أيامى معاه وسنينى
أنا إللى ظلمت نفسى
بعواطفى وطيبة قلبى
مع غادر لعب بشعورى وحواسى
وسابنى ومشى
حتى من غير وداع