شدى حيلك يابلد.. قصيدة بقلم شيماء البيجاوي

قبل ما اكتب فيكى واقول واقول عليكى.
نفسي بس تسامحينى مقدرش اكذب واقول.
لكن هقول واقول بالحق هفضل اقول.
شدى حيلك يابلد خيرك نهبو دا الولد
بصى في عنيي يااما شوفي حزني عليكى.
شوفي اهرى اللى زاد من كتر ما شاف عناد.
ولدك يعاند فيكى مبيسمعش الكلام.
مهما تقولي ياما عناده زاد وزاد.
قولتى استرنى ياابنى سرق توبك وراح.
ياريته اتستر بيه اتاري كان كفن ليه.
خدوه سحلوه قالوله معلش يااسمك ايه.
احنا بنحرر بلدنا اللى اسمها ايه.
حتي اسمها نسيوه خيرها خربوه.
باقي ايه يابلد تقولي عليه للولد.
اصرخى يااما بعلو الصوت ليلك بقه نواح.
خيرك كله راح كل اللى وقفلك انزاح.
خدوه لطريق بعيد يعالم هيرجع من جديد.
ولا ملوش رجعه مهما كان عمره مديد.
اصرخى كمان وعلي الصوت يمكن ولادك يسمعوه.
مهما نوحتي كمان وكمان عمر عنادهم ما هينسوه.
سمحينى يااما مقدرش اكذب عليكى.
كان نفسي اقول غير الحقيقه بس خوفت تصدقينى.
تيجى يوم تلومينى سمحينى يااما سمحينى.
شدى حيلك يابلد علي اللى حصل فيكى.
شدى حيلك يابلد دايما ربنا حميكى.
مهما خربو فيكي..
مهما خربو فيكى..