نفسى أسأل سؤال .... بقلم سيد منيرعطيه

ليه كل ما نفرح يعود الحزن من تانى ليه كل ما نضحك تتغير المعانى ليه كل ما نكتب ينتفض الالم وتكبر احزانى يخيم سحاب اسود على بلادى فوق ارضنا الطاهره يرتوى ترابها بأحزانى يموت الأمل مخنوق بأيادى ضلت طريقها وعنوانى عنوانى حبك يا بلادى سماكِ ملاها الحزن فوق جبينك اترسم خوف حاضن ايادى الامل مكتوب لك تحزنى ويترسم فوق جبينك الم عايش قريب منك نفسى أسأل سؤال ؟ ليه هان ترابك يا وطن وتاهت كل الامانى اتغيرت كل الوشوش تاه جوانا الخوف يكره يعود الامل حاضن ليالى الالم وتعود مصر من تانى يا وطن جريح بيعافر موج الشر عالى نفسى اصرخ بعلو صوتى نفسى تتقطع حروفى تكتب كل الكلام عن فرح تاهت خطاه عن حزن ساكن جواه يا بلادى يا رمز غالى حالف تعودى من تانى لسه الامل شعاع بيكبر جوه الليل البعيد وضوء الفجر العنيد ماسك ضحكتى ايوه فرحتى لسه طاله من عيونك ابتسامه بلون ورودك وفجرنا راجع يدق كل الببان من زمان وبلادى شاهده غزو التتار اندحار انكسار لكل طامع جبان لسه مصر باقيه ترعب كل زمان لا بنخاف من ارهاب ولا من اوباما الكداب عزيمتنا جباره قلوينا عمرانا يحبك يا مصر