ليه بقينا كده

ليه إحنا بقينا كده
ناس مكرشه ومنفخه
ومتختخه ومشخشخه
يا ترى كان شكلهم أيه قبل كده
وناس ضعيفه نحيفه
جيوبهم نضيف
لابسين هدوم مرقعه
دول كتير مش مشكله
طول عمرهم زى ما همه كده
بس الغريبه والعجيبه
ليه فيه كده وكده
مش إحنا ولاد تسعه
ولا أيييييييييييييييييه مش كده
الأرزاق بأيد الله أنا عارف كده
بس لما يكون الرزق حلال
من غير نصب ولا إحتيال
يبقى حاجه كويسه
لكن تهلب وتقلب وتمص دم الغلبان
وتقول ده شغال وده مش شغال
هى الأرزاق كده
تبقى غلطان مفيش أحسن من الحلال
ولا أيه كده ولا مش كده
لو كان فيه ميزان بيوزن بالحلال
مكنش ده حال الغلبان مش كده
تشترى الكيلو تروح تلاقيه كيلو إلا ربع
لو رجعت تعترض يقولك هو كده
يتحرق دمك وما نابك غير ندمك
على المشوار وإنت أساسآ تعبان
يا بنى مفيش فايده هو كده
عليه العوض ومنه العوض
الضمير إنقرض مفيش حاجه إسمها غلط
هو كده وأكتر من كده وهيفضل كده
لو مكناش نراعى ضميرنا ونعرف ربنا