عندي سؤال أخير ؟؟.....بقلم / محمد المصري

كنت بستغرب إزاي عاشت حياتها ولا همها
والحزن بيقتلني يوماتي على فقدان حبها
سنه فاتت وأنا مصدق إنها بتعاني من قلبها
كنت بعمل بأصلي وقت الاعصار بطمن علي قريبتها
فجأه جه أسمها قدامي بتضحك ومقضيه وقتها
كدبت نفسي دي لسه مودعه والدها مصدر عشقها
بس إزاي دي والله هي بشحمها ولحمها
شفت بعيني ضحكتها وكلامها وخفة دمها
معقول تكون دي اللى حبيتها وأخلصتلها
معقول مابيفرقش أي حد معاها المهم عندها نفسها
أكيد حبك ليا زي زعلك عليا كدبه عشتها
كنتي قولتي من الأول إنك جايه تدمريني
كنت وفرت عليكي الوقت والمجهود
اللى بزلتيهم علشان بس تجرحيني
عندي سؤال أخير ؟؟
إنتي بجد كنتي شخصيه حقيقيه ولا وهم !!
يعني إنتي دلوقت نفس اللى عرفتها من سنين
أصل أنا مش مصدق إن إحساسي خاني لدرجادي
مش لاقي كلام أوصف بيه اللى حاسه دلوقت
الله يسامحك ...