فى ساعه نهار شوفت الحمار واقف تحت شجرة بكل افتخار بيبصلى و يحرك ودانو الطوال حسيت انو بيغظنى قولت لازم اعمل معاة حوار اصلى طهقت من البشر بكل اختصار قربت عليه وقلت السلام رد السلام عليه ومكنش باصص ليه قلتلو حتى انت يا حمار بتعملنى المعمله ديه قالى وانا اعرف ان كنت معايا وله عليا قولت معاك وجاى طهقان من الى حوليه مد ايدو وسلم عليا وقالى اهدا واعدنى جمبه بكل ذوق وحنيه وبدء الحوار هوة فلت الحوار من اديه سأل اسئله من برة ومن جوة قالى ظروفك قلتلو مرة قالى شغلك قلتلو عاطل قالى دراستك قلتلو فاشل قالى مين بيحكم مصر واحد هناك فى القصر قالى غير قلتلو مقدر قالى متقدر ؟ قلتلو ؟؟؟؟؟؟ قالى برغم كرباج صحبى برفص رفصه اخليه يحبى قلتلو بتقارن بينى وبينك دة انا انسان قالى عينى فى عينك دة انا وسط الحمير حمار وانت وسط البشر حمار وأنتهي القاء فى ثوانى بعد الحكمه مجت فى ودانى قالى هشوفك تانى قلت اكيد شىء مش بعيد وفضلت افكر فى كلامو ومن ساعتها بحب الحمار وليه معاه اكتر من حوار