بيقولك ....سؤال محتاج لأنسر

بقلم : صالح شيحة
سؤال محتاج لأنسر وأنسر دى بقى يا سيدى كلمة إنجليزية معناها بالعربى إجابة ..يعنى سؤال محتاج لإجابة ..شوفتوا ..العلام نور بردة يا أخوانا ..أيوه العلام اللى فى دماغى زى نور الأيام دى ..علام بصح وصحيح ..
عندك مثلاً دليل على علمى الغزير وثقافتى فى اللغة الإنجليزية الغير محدودة ..
كلمة زى كلمة دُج ودى كلمة إنجليزية أبوها وأمها من بريطانيا نفسها ..معناها بالعربى مثلاً لما حد يقولك دج تفهم على طول إنه معذور فى شاكوش ..والناس اللى بتحب الأكل لما تقولوهم دُج معناها إن إحنا بنقولهم كلوا ..
أنا عارف إن أنا صدعتك ولسة مدخلتش فى الموضوع ..تصدق إن أنا نسيت إحنا بنتكلم فى إيه ..
آه إفتكرت ..السؤال اللى محتاج إجابة هو : هى مصر فيها رجالة ؟
بقولك إقرأ الأول قبل ما تغلط ..آه ما تشتمش ومتفهمنيش غلط ..أنا مش قصدى أغلط ..
ده أنا نفسى تكون الإجابة : طبعاً يا روح أمك ..شوف بردة هيغلط ويشتم ياعم ..يا سيدى قصدى أنت اللى هتقولى ياروح أمك ..
المهم يا سيدى عشان تتأكد من حسن نيتى أنا هحاول أثبتلك إن أنا مصرى ومصر دى فعلاً بلد الرجالة ..
وهناك بعض الأدلة على كلامى مثل أغنية والله عملوها الرجالة ورفعوا رأس مصر بلدنا وكمان فيلم الطريق إلى إيلات والممثل اللى بيقول ياريتنى كنت معاهم عملوها الأبطال ..كلامه صح بمليون مية مية فعلاً الشعب المصرى كله بيعملها ..ده أنا قبل ما أقعد أكتب دلوقتى كنت لسة عاملها ..
والدليل الأقوى بقى ..بص يا سيدى عشان نجاوب على السسؤال ده لازم نسيب مصر ..نسافر ونروح بلدة تانية وهى جنوب السودان مع الإحترام لكل حبايبنا هناك ..فقد قرأت فى كتاب مش فاكر إسمه بالكامل ..بس فاكر منه كلمتين أحراش إفريقيا بس مش أحراش اللى فى دماغك اللى مشتقة من كلمة تحرش جنسى ..أحراش اللى فى دماغى معناها حاجة تانية خالص ..
المهم إيه اللى أنا قرأته ..قرأت إن فى قبيلة فى جنوب السودان بتمشى كلها بلبوس رجالة وستات ..عارف نيتك السودة نفسك طبعاً تكون إتولدت فى القبيلة دى ..بس لو عرفت إيه كمالة قرايتى هتندم ..وتعرف إن المصرى راجل المهم أكملك القبيلة كلها بلابيس ورغم كده العريس عندهم فى ليلة الدخلة بيقعدوا طول الليل يساعدوه ويعملوا له طقوس عشان ربنا ينفخ فى صورته ..بعكس المصرى اللى مش بيحتاج لأى مساعدة ..
المصرى ثبت إنه راجل من ضهر راجل بيتفرج على التت والكليبات وشاف البنطلون الفيسون قصدى الفيزون ورغم كل ده المصرى مبقاش زى الجنوب سودانى ..واللى يأكد كلامى إن فى حالات تحرش جنسى كتير فى مصر ..والبنت هى المظلومة تلاقى الواحدة من دول لابسة بنطلون فيزون مبين كل حاجة ومش عايز تحرم حد ..يعنى بمعنى أصح كريمة مع الشباب ورغم كده تلاقى الشاب من دول معندوش إخوات بلاستيك بيتحرش بالبنت ويقولك البنت هى السبب ..شوف الظلم ..رجالة مش بيفرق معاها زيت خروع ولا أى حاجة ..بس الظاهر والله أعلم إن فى رجالة فى مصر بقت بتأكل لحمة خنزير ..