الاعلام منعزل عن الشارع ومشغول بتكرار نفس احتفالات.. ولم يسألوا أجيال الإنترنت يعني ايه انتصارات أكتوبر ؟

أغلبية الأعلام احتفل بانتصارات شهر أكتوبر بطريقة روتينية نستخدمها من سنين لم يفكروا في معرفة : يعني ايه 6 أكتوبر " بالنسبة للشباب الصغير الذي لم يعايش بهجة الفرحة .. وتعرض هذا الشباب بحملات تتهمه بان ذاكرته التاريخه اتمحت .. ,احني في هذا الموضوع اخترنا شباب الانترنت بما يمثلة من جيل جديدة وثورة ضخمة قولنا نشوف : يعني ايه اكتوبر " بين الأجيال الجديدة ..
الواقع : بما أن أغلبيتنا لم يكن موجودا وقتها ليذوق حلاوته ، ونعيش على ذكراه لكن تري .. هل لا زالنا نتذكر هذا الانتصار أم طمس النسيان تلك الملحمة؟
- سناء خليل : عشرة رمضان - السادس من اكتوبر- مين ينسى ومين يقدر فى يوم ينسى.
- محمد فارس: اكيييييد فاكرين دى الحاجة الوحيدة الحلوة الى لازم نفتكرها
- سامح إبراهيم : اكيد عبور اكتوبر الله يرحمك يا سادات
- جمال نصر : همه الشهدا مكانهم فين ، واحنا بقينا فين ،هيه دي المقارنه
- أدم الغرباوي :- عشره رمضان نهاية العشرة الرحمة
عشره رمضان : بداية العشرة المغفرة
سبعه عشر رمضان : انتصار المسلمين في غزوه بدر
عشره رمضان : انتصار الجيش المصري علي العدو الاسرائيلي
- نانا:- اه كان 10رمضان موافق 6 من اكتوبر يوم النصر العظيم ربنا يحفظنا ويبعد عنا اى عدوان ربنا يحفظك يامصر من اى شر وكل عام والجميع بخير وسعاده
- أحمد بدير: كان يوم صنعه رجال مفيش منهم في وقتنا الحالي و خرجوا من شعب مش هو اللي ساكن مصر دلوقتي
- محمد السيد: نعم نتذكر العبور العظيم من رجاله مصر وهما صايمين وفى الحر الساعه 2 الضهر ياعين على رجاله اليومين دول صايمين ونايمين فى المكيف ومش عاجبهم
- محمد الواضح : حد يقدر ينسي يوم الكرام
- أيمن علي : يوم ما المصرى بقى لية كرامة وعرف يرجع حقة ويرجع مكانتة حول اعالم ويارب نعرف نرجعها احنا تانى يارب نفسى بجد نعرف نرجعها تانى
- عزت محمد : من خطاب الرئيس السادات ان التاريخ العسكري سوف يتوقف كثيرا بالفحص والدرس امام عمليه يوم السادس من اكتوبر العاشر من رمضان حين تمكنت قواتنا المسلحه المصريه من عبور قناه السويس وتحطيم خط برليف وتحطيم اسطوره العدو الاسرائيلي الذي لا يقهر يوم استعاده الامه الجريحه كرامتها ..هذا هووووووووو
- إبراهيم يحيى : العاشر من رمضان فيه حرب اكتوبر العظيمة والتى لازلنا جميعا نفخر بها و سنظل نفخر بها ،وفى رمضان ايضا غزوة بدر الكبرى ... و اظنها - و ان لم اكن متاكد - كانت فى اليوم العاشر ايضا
- طاهر زهران : يوم ان اجتمع المصريون على " الله أكبر "و زلزل الله الارض بجيش اليهود يا رب العرب يفهموا الرسالة
- محمد رضا : علا هو يوم النصر العظيم الذي عاد فيه مجد المصريين
- بكار بكار: العاشر من رمضان اليوم هو ذكره للنصر والعزة فيه غزوة بدر وفيه نصر اكتوبر ورجوع الكرامه لمصر والوطن العربي وفيه عيد المسلمين وهو يوم الجمعة فلندعوا الله عز وجل ان يعزنا بعزته وان يجمعنا على الخير
- محمد غباشى : طبعآ نصر العاشر من رمضان لما ربنا نصر جنودنا الصائمين علي الصهاينه اعداء الله
- حسين شلبي : سيبقى العاشر من رمضان السادس من اكتوبر 73 علامة فارقة في تاريخ الأمة العربية عامة وفي تاريخ مصر خاصة --- كان في حد ذاته إنتصار على كل شيء سيء --- نعاني منه الآن