تويتر: انتخابات مصر أكثر حماسة من كأس العالم‎

للواقع - عبير الرملي
مع اقتراب موعد الحسم في انتخابات الرئاسة المصرية، لم تعد حمى الترويج للمرشحين تقتصر على الشارع المصري، بل انتقلت لتنتشر في أوساط المواقع الاجتماعية ومن بينها تويتر. فالكثير من المغردين تناقلوا تعليقات حول فرص المرشحين في الترشح، خصوصا بعد تصويت المصريين في الخارج.
وفيما يلي بعض هذه التعليقات:
MEFawaz@: انا معنديش حاجة اسمها ‫صمت انتخابي‏.. انا اساسا مش معترف بدي انتخابات، وعشان كدة مايسريش عليا قوانينها.. وهاستغل ده ضد الفلول و الأستبن.
MuhamadHazem@: مش فارقة معايا مين يكسب انتخابات الرئاسة !! المهم مايبقاش عمرو موسى أو أحمد شفيق.
Lola_omar@: ولسه احنا في الدور قبل النهائي ..أمال في النهائي أيه..انتخابات مصر أكثر حماسة من كأس العالم.
Karim_Farid@: يقال والعلم عند الله انه في مصر المحروسة انتخابات لاختيار رئيس جمهورية نهاية هذا الاسبوع...هل من تأكيد ؟
Mohamd_alhodaif@: فوز عمرو موسى، وشفيق يحل ثانيا، في انتخابات الرئاسة المصرية.. التي (أجرتها) قناة العربية: صحيح.. هذا زمن "اللي اختشوا ماتوا"..!
amrwaked@: من السذاجة ان نؤمن ان انتخابات تحت حكم العسكر ممكن ان تأتي بما يريده الثوار. اللي عايز يصوت يصوت. يا بخت بخيتة ببخيت.
3askarkazeboon@: المجلس العسكري شغال على احكام البراءة والاعتقال والتعذيب على اساس انه الكل خايف على انتخابات الرئاسة! ..
Hazem_Azim@: انتخابات تحت آلعسكر = تغليف وتعليب الثورة بسوليفان ديمقراطي! العسكري الذي سحل وقتل وكذب تحول فجأة إلى ملاك يديرانتخابات لصالح الشعب.
Gemyhood@: ونفس الشعب اللي عايز يحارب اسرائيل هو نفسه اللي عايز استقرار .. هو اللي عايز انتخابات حرة نزيهة وعايز اصطفاف ثوري وعدم تفتيت!!! الرحمة حلوة!
esraamahfouz@: ابو الفتوح هو الاول في انتخابات المصريين بماليزيا ..احترم عقلية المصريين هناك ..اختاروا رئيس ممكن يخلي مصر زي ماليزيا.
AlyaaGad@: كأنك في محل لبس، كل اللبس وحش ومش مقاسك لكن لازم بالعافية تشتري!
ZeinabSamir: شفيق في انتخابات الرئاسة زي عكاشة في انتخابات البرلمان .. مش هيضحك علينا كل مرة ونصدق إنه له شعبية.
GhostyMaher@: اصحاب كتير ومؤيدين للثورة خسروا بعض بسبب انتخابات الرئاسة، السياسة بتستخرج اسوأ ما في البنى آدم!