صباح الخير على حبايبنا

صباح الخير على حبايبنا
أخدتهم مننا الغربه
والله ليكم مشتاقين
بصبح عليكم من بلدكم مصر
أم الولاد الطيبين
أم الرجاله الشقيانين
وحشنها ولادها المتغربين
ولادى عاملين أيه فى الغربه
مرتاحين ولا تعبانين
وحشتنى البسمه الحلوه
وحشتنى الفرحه باللمه
والله ليكم مشتاقه
مشتاقه للبشره السمره
بشرة نهر النيل
إللى بيشرب منه مره
يرجع تانى بشوق وحنين
طالت الغيبه يا ولادى
تعالوا دفوا حضنى
تعالوا الخير كتير
تعالوا عمروا الصحرا
إزرعوا الأرض الصفرا
بالهمه تبقى خضرا
مهما كانت الغربه
والله يا ولادى مره
مهما كانت الدولارات
والدنانير
اللحظه وإنتوا معايا
تساوى يا ولادى ملايين
المصرى منكم
عنده مهاره وخبره
وعندى على كلامى
ألف دليل ودليل
يعقوب فى الطب
وفى الكميا زويل
الباز عالم جولوجيا
فى العالم كله
مالهوش مثيل
همه دول ولادى المصريين