زى ما هى !

"
استغربت حواليا لقيت الحكايه هى هي رايحه جايه مره حلوه مره تايهه مره بايظه بايظه ولا القضيه فيا
وبعدينها معاكى ما تبطلى شدك عليا هعملها ايه غريبه الدنيا ديه و الخلق بقت اغرب من اى حقبه تانيه
الكل ماشى تعبان و كلام فى كلام لا بيسَمَع ولا بينام .... هاتلى الملخص منه ....اهو اى كلام فى كلام
رجعت لورا قريت كلام عمنا سعد ....عرابى ... السادات ... و جمال ... ايه اللى حصل هو احنا مش هنفوق بقى مالمنام
لمتنا تاهت و الصوت بيعلى على كورة جت و راحت ... و اسمه ايه غنى و حضرتها جابت كليب جامد
تقول ثقافة ..( "الجزيره "... "العربية" )... فلسطين ....العراق ......... كمل القضية تلاقى مهانه .... ذل و كآبه
كله قال وانا مالى و على الضحكه دور و يا "موجه " اضحكى و اعلى بينا بكره تقلبى بينا على شط غريب ما لينا
يا عينى ع اللى باع الارض برخص التراب و لا افتكر ازاى قبلنا ضحوا بدمهم ولا يمسلها حد رملة تراب
ما العيب لو فيه او فينا بس كان بان الحق و ظهر ومسيره يوم هيبان ...العيب مالى البشر والكل بقى لوام
لعبوها صح علينا و لهونا بالاوهام بسلام فى كلمة شرف و بكره الحياه تحلو و كله يبقى تمام
قلنا البلد بقت لينا ما نسيبها للى هيفهم ما خلاص لا غزاة ولا استعمار ...تعالوا بقى نفرح باى كلام
غمونا بالتفاهات و مولوا الفضائيات و سهلوا المكالمات ... متخافش دول مش هيقولوا لو لم اكن لوددت ان اكن !!!
دول خلاص ناموا و لا عادوا طايقين بلد ولا يبقى لها خير فيهم .. رخصوا اوى فيها و رخصت كمان فى عنيهم
عملوها من غير حرب ولا حتى نقطة دم .....خربوها و جابوا عليها وطيها ويا بخت من لحق نهب ولا بتخلص الخيرات
مالها دى البلد زى الغلبانه تعبانه شقيانه ...صعبانين ولادها عليها لا قادره تبقى لنا سند و لا قادرين حتى نحميها
لا بيخلص كلامى عنها ولا قادره اسكت ...ماعايزه غير انى اشوفها فى عينى ام الدنيا قبل ما امشى و اسيبها زى ما هى !!!!!
"
by: Yomna Taher