الثوره محتاجه لكل الشعب يقول كلمته

ثورتنا محتاجه شعب يقول كلمته
مش محتاجه حاكم
عامل حساب لمبارك وشلته
ثورة خمسه وعشرين يناير
أسقطت النظام برمته
ولكن هيهات بين السقوط
وبين فلول لسه فى جعبته
إحنا وراهم وراهم
مش هنسيبهب مهما كانت قوته
بلطجيه هنا وهناك
داخليه نايمه ف ثبات
والشعب بيهاتى يا ولداه
محاكمات زى السلحفاه
يعنى الحكايه
ومن الآخر
سيناريو خايب مكشوف من أوله
رجعونا تانى لميدان التحرير
فى السويس حى الأربعين
ف إسكندريه المنشيه
والقائد إبراهيم
ويا عالم بكره هيبقى فين
إرحموا الشعب وثورته
ومترجعوش تخوفونا و تهددونا
بهبوط البرصه وحجب المعونه
خلصونا وحاكموا القاتل والفاسد
قبل ما الناس تركب دماغها وتعاند
ونرجع تانى نحصد المصايب
والسبب مبارك وشلته
حرام عليكم كفايه
مصر فى إديكم أمانه
حافظوا عليها من فضلكم