فيديو.. جابر القرموطي: "مش هشتغل في التلفزيون ولو بمليون جنيه في الشهر"

شن الإعلامي "جابر القرموطي" هجومًا حادًا على اتحاد الإذاعة والتلفزيون، بعد إيقاف الإعلامية "عزة الحناوي" لانتقادها الحكومة المصرية في التعامل مع أزمة الأمطار وعدد آخر من الأزمات.
وقال "القرموطي"- خلال برنامجه "مانشيت" المذاع على فضائية "أون تي في"-: " على إيه التلفزيون ضحية.. إنت مش قادر تدافع عن نفسك ولا تتكلم.. طظ في البرنامج.. نضفوا الدنيا جوا القناة دي.. وأي قناة في المدينة ممكن تقفل مفيش أدامهم غير التلفزيون .. تبقى مصيبة لو فضلتوا في مكانكوا".
وتابع: " بنبص في التلفزيون على البرامج القديمة والجديدة مش بنشوفهم .. 80% من الاعلاميين مش راضيين عن اللى بيحصل .. التلفزيون مكان الكل مش مكان شخص.. فلوس كل المصريين هناك .. ومش هيهدى موضوع عزة الحناوي الا لما الرئيس يتدخل.. ومش هيرضى يتحط اسمه في جملة مش مفيدة".
وأضاف: "بلاش تدخلوا الرئاسة في كل حاجة، وبلاش محاولات التملق له على حساب الآخرين، كفاية شعبطة على حساب الرئيس وتشدوا الجاكيت بتاعه".
واستطرد قائلاً: " كنت بقول الأول اشتغل ببلاش في التلفزيون.. لكن دلوقتي أقسم بالله ما أشتغل ولو هتديني مليون جنيه في الشهر".
شاهد الفيديو..