رواد مواقع التواصل: "الشرطة النسائية هتنضف البلد من المتحرشين"

أشاد رواد مواقع التواصل الاجتماعي " فيس بوك" و "تويتر" بالدور المهم الذي قامت به الشرطة النسائية خلال عيد الفطر من خلال القبض علي المتحرشين بمنطقة وسط البلد.
وأعربت نادية سالم عن سعادتها بالشرطة النسائية قائلة "ماشاء الله ربنا يحميكم ويخليكم لمصر".
وقالت مروة عبد الوهاب :"لا هو مبقاش فى رجالة والله والست دى تستاهل مليون تحية، احنا لما حد بيعاكسنا فى الشارع هنلجأ للست دي".
كما أكدت نيفين نصر أن الشرطة النسائية هي الحل الوحيد حتي تنظف البلد من المتحرشين خلال الاعياد و تتيح لهم الفرصة للخروج للاماكن العامة.
وأضافت مريم الامير قائلة :"مفيش اي راجل في الدنيا ممكن يحس احساس البت لما حد يمد ايده عليها وعلي فكرة والله العظيم مش باللبس في بنات بتبقي لابسة عادي وبردو بيتعمل فيها كده هي بس بتبقي قلت ادب وخلاص. وكل واحد بيعمل كده يستاهل وياخد علي دماغه كمان منه لله".
وطالبت رغدة سعد بضرورة انتشار الشرطة النسائية في شوارع القاهرة وخاصة الاماكن الشعبية وعدم اقتصارها علي الاعياد فقط حتي يشعروا بالأمان.
وقال أحمد صقر :" الله عليكو تسلم ايديكو والله،، جالكوا اللى تربيكوا يا متحرشين، وتستاهلوا اكتر من كده".