على جدران مدافن ميت غمر..

رسالة وفاء من "رشدى" إلى زوجته "منى"

رسائل أسبوعية من زوج وفى لشريكة عمره والتى رحلت عن الدنيا، ولكنها باقية معه فى فكره ووجدانه بذكرياتها العطرة.
"الوفد" رصدت على جدران أحد المقابر بمدافن ميت غمر صورة لكلمات تحمل معانى الوفاء أمام أحد المدافن من زوج وقع باسمه "رشدى" على رسائل إلى زوجته "منى" والتى توفيت من سنوات عديدة جاء ليسطر لها فى كلمات على قوالب جدران المدفن عن كل ما يدور معه فى حياته على الأرض ليترك إلينا رسالة وبصيص من شعاع الأمل بأن الحب والوفاء باق مهما حيينا.
كما لفت الأنظار أن تلك الكلمات هى خليط ما بين ذكريات الأمس مع الزوجة الراحلة يأتى ليتذكرها معا ورغم الرحيل فإنه على عهده باق عبرتها كلماته: "فاكره يا منى الأيام الحلوة اللى قضيناها مع بعض فاكره كنت بحبك قد إيه كنتى شايله عنى كتير أوووى ومتخفيش بعمل زى منتى كنتى عاوزة للأولاد ، عاوز أفضل جنبك على طوول واحكى لك وجعى وحشتينى أوى".
ولم ينس الزوج الوفى أن يروى لزوجته الراحلة عن تفاصيل حياته وأهم ما يدور بها ذاكرا فى رسائله الأسبوعية أثناء زيارته لقبرها زوجتى وحبيبتى الغالية منى، النهاردة رانيا بنتنا نجحت جابت 86%، النهاردة فرح بنتك ألف مبروك يا منى، أنا عندى مشكلة مضايقانى جاى أحكيها لك ويحكى ليها ويكتبها، فى الشغل زودولى المرتب عاوز اجيبلك فستان جدى ، ابننا نجح بتفوق وبيسلم عليكى أوى يا منى وهو جنبى وبيحبك وحشتينى أوووى كان نفسى تكونى معايا ونربى العيال مع بعض، جه عريس لبنتنا ولد طيب أوى، وأنا عارف إنك موافقة عشان أنا موافق وهو طيب، بحبك أوى .. كلهم بيحبوكى وبيدعو لك وحشتينى أوى يا حبيبتى ، هجيلك يا منى وبدعيلك وفكرك وعمرى ما نسيتك وفى قلبى دايمًا ،على فكره أنا بدعى ربنا لكى أجيلك قريبا لكن لما أكمل تربية الأولاد زى منتى عاوزة ، تعبت أوى يا منى عشان أربى الأولاد لكن لما بجيلك هنا مش بحس بتعب، معلش الجمعة اللى فاتت معرفتش أجيلك عشان خطوبة بنتك وحاسس إنك كنتى معانا".