شباك علي‮ الثورة

خرجت صباحا من منزلي‮ قاصداً‮ كشك الصحافة في‮ شارع‮ 9‮ وفي‮ الطريق سمعت من‮ ينادي‮.‬
‮- يا أستاذ أحمد
فالتفت تجاه مصدر الصوت لأجد أحد جيراني‮ يتجه نحوي‮. كان‮ يرتدي‮ جلبابا أبيض فوقفت انتظاراً‮ للقياه وحين التقينا قال‮:‬
‮- صباح الخير
يبدو وكأنه خارج لتوه من تحت الدش
قلت ضاحكا‮:‬
‮- صباح الجمعة
فضحك قائلا‮:‬
‮- هو انا باين عليَّ‮ كده؟
قلت‮:‬
‮- بشدة وعموما ربنا‮ يديك الصحة والمزاج الرايق
ضحك ثم قال‮:‬
‮- أهو المزاج الرايق ده ما حدش سايبه في‮ حاله
قلت‮:‬
‮- ليه كفي‮ الله الشر؟ واحنا فل الفل وعال العال ولسه عاملين ثورة الدنيا تحكي‮ وتتحاكي‮ بيها
قال‮:‬
‮- ما هي‮ دي‮ اللي‮ معكره مزاجي‮
قلت بدهشه
‮- الثورة؟
قال‮:‬
‮- ما‮ يقال عن الثورة هو اللي‮ معكر مزاجي
قلت‮:‬
‮ - ماذا‮ يقال عن الثورة ومن القائل؟
قال‮:‬
‮- بيقولوا ان اسرائيل هي‮ اللي‮ عاملة الثورة‮
صرخت في‮ وجهه‮:‬
‮- إسرائيل‮! ومع ذلك إيه الدليل
قال الدليل‮:‬
‮- الدليل هو التكلفة المادية الكبيرة للثورة
قلت ضاحكاً‮:‬
‮- الكنتاكي‮ والساندوتشات؟ الكلام الاهبل ده اللي‮ قالوه في‮ أول ايام الثورة‮. مش كده
قال لي‮:‬
‮- وغير كده الخيم اللي‮ كانت مالية ميدان التحرير مين اللي‮ جابها؟
قلت‮:‬
‮- من حسن الحظ انني‮ اعرف مين اللي‮ جاب الخيم وعلي‮ فكرة مش إسرائىل
قال‮:‬
‮- امال اسمه إيه
قلت‮:‬
‮- اسمه المهندس ممدوح حمزة أو الدكتور ممدوح حمزة وهو صديقي‮
فقال‮:‬
‮- الله‮ يطمنك‮ يا شيخ لكن فيه ناس‮ غيري‮ ما‮ يعرفوش الحقيقة دي
قلت‮:‬
‮- والحل إيه في‮ رأيك
قال‮:‬
‮- الحل ان اللعب‮ يبقي‮ ع المكشوف والناس تشوف بعينها محاكمة المخلوع واسرته وعصابته وتكون محاكمة علنية وتتوفر لهم كافة الضمانات عشان الناس ضميرها‮ يرتاح‮.‬
وأنا انقل هذه الرسالة للسيد المشير طنطاوي‮ والدكتور عصام شرف ما رأيكم دام فضلكم؟
أحمد فؤاد نجم