البصاص

‬
تقرر صرف مكافأة ألف جنيه لجميع البصاصين في القسم،‮ يشمل القرار البصاصين اللي تحت التمرين،‮ والبصاصين المتعاملين بالواقعة،‮ والبصاصين المنتدبين ،‮ المكافأة بسبب نجاحهم في إقالة بعض قيادات وزارة الداخلية،‮ حيث أصدر اللواء منصور عيسوي وزير الداخلية،‮ قراراً‮ بإقالة ثلاثة من كبار مساعديه،‮ كان البصاصون قد نشروا عنهم وقائع تستلزم الاحالة الي الكسب‮ غير المشروع،‮ منهم اللواء حسن عبدالمجيد مساعد أول الوزير لوسط الدلتا،ويقال انه كان‮ يسخر جنود الأمن المركزي للعمل في مزارع وفيلات حبيب العادلي،‮ وشمل القرار اللواء جهاد‮ يوسف رئيس مجلس إدارة شركة الفتح،‮ قرار الاقالة رحب به الضباط والأمناء داخل مبني الوزارة وخارجها،‮ كما رقص عليه‮ »‬البصاصين‮« بالقسم لأن كلاً‮ منهم سوف‮ يصرف ألف جنيه مكافأة زغردي‮ ياللي مانتش‮ غرمانة‮.‬
‮ البصاص الصغنن بعد صدور قرار معاقبته الأسبوع الماضي تضمن العقاب تجريده من ملابسه ووقوفه تحت الشمس ملط في عز الظهر،‮ ذلك بسبب فشله في‮ الحصول علي معلومة عن سبب زيارة محافظ القاهرة الي مدير أمن حلوان في مكتبه،‮ البصاص الصغنن جاب خبر الزيارة،‮ وفشل في معرفة سببها،‮ بعد أن نفذ العقوبة،‮ لبد لمحافظ القاهرة وللواء عابدين‮ يوسف،‮ من‮ يومين رجع بالخبر اليقين،‮ ان محافظ القاهرة ذهب الي عابدين بعد تسرب شائعة بأن عابدين سوف‮ يتولي منصب مدير أمن القاهرة خلفاً‮ للواء محمد طلبة الئي سيتقاعد الشهر القادم،‮ والبصاص الصغنن لم‮ يكتف بالخبر،‮ بل وحصل علي معلومة في‮ غاية الأهمية،‮ وهو أن عابدين لن‮ يتولي منصب مدير أمن القاهرة‮.. بكره تشوف وأفلح أن صدق‮..‬
اللظلوظ بن اللظلوظة الملظلظة،‮ دخل علينا بلظاليظه وبيقول بعلو صوته‮:‬
شوفت‮ ياريس‮.‬
شوفت إيه؟
حسين رجع أمن الدولة‮.‬
حسين مين؟‮
النقيب حسين الشريف‮.‬
إزاي؟
دي بركات اللواء علاء حلمي مدير مكتب حبيب العادلي السابق ماهو قريبه‮ ياريس،‮ وتعرف إنه رجعه كمان لقسم الطلبة‮.‬
تقصد متابعة الطلبة؟
آه‮ ياريس‮.‬
هو مش علاء ده اسمه في الكشف؟
كشف إيه‮ ياريس؟
الكسب‮ غير المشروع‮.‬
أنا سمعت كده‮ ياريس‮.. بس إيه الموضوع الله أعلم‮.‬
‮ كلام كتير بيتنتور في جهاز أمن الدولة،‮ بيدور حول السر وراء بقاء العميد رضا فرحات في قطاع الأمن بجهاز أمن الدولة،‮ البصاصين بيقولوا انه‮ كان في فرع الاسماعيلية،‮ ونقله حبيب العادلي للقاهرة بسبب قطع أرض‮.. أرض وكله طين‮.. يعني ملايين وأهو كله رضا‮.‬
‮ البصاص الصغنن‮ غطس كم‮ غطسة عن الأنظار،‮ وبعد ساعة‮ غياب ظهر في القسم،‮ قال إيه كان في الكسب‮ غير المشروع،‮ وخير اللهم اجعله خير،‮ شاف علي أحد المكاتب ملف كبير قوي،‮ قعد علي المكتب واستربع وحط الملف علي حجره وهات‮ يابص،‮ الصغنن أقسم برحمة أمه سلطح بابا هانم،‮ انه لمح أسماء بعض المحافظين،‮ ذكر منهم اللواءات محمد شعراوي محافظ البحيرة،‮ ونبيل العزبي محافظ أسيوط،‮ وأحمد ضياء الدين محافظ المنيا السابق،‮ وسمير سلام الحالي وأقسم مرة أخري برأس الهانم سلطح بابا انه قرأ كمان اسم اللواء محمود لطفي مساعد أول وزير الداخلية السابق للقطاع الاقتصادي‮.. يالطيف اللطف‮ يارب‮.‬
‮ القرار رقم‮ »‬3‮ لسنة‮ 2011‮«: قرر رئيس مجلس إدارة جريدة الوفد،‮ بناء علي مذكرة رفعها الي سيد عبدالعاطي رئيس تحرير الوفد‮ »‬الأسبوعي‮«‬،‮ الآتي،‮ مادة واحدة‮: صرف مكافأة خمسة جنيهات لا‮ غير لجميع أعضاء قسم البصاصين بصفحة أمن الدولة،‮ لتميزهم ولكشفهم فساد بعض ضباط ائتلاف الشرطة،‮ ومطالبتهم منذ عدة أسابيع بالغاء هذا الائتلاف،وهم ماتم بالفعل بقرار لوزير الداخلية الثلاثاء الماضي‮.‬
مادة اثنين‮: يتم خصم الضرائب من المكافأة وتشمل‮ »‬2‮ جنيه‮« ضريبة دمغة،‮ وجنيه ضريبة أرباح ونصف جنيه ضريبة مبيعات وجنيه وربع رسوم صندوق الشرطة‮.‬
مادة ثلاثة‮: يعمل بهذا القرار العام القادم في شهر مايو‮.‬
‮ علي مسئولية أم شلتوت‮ »‬خالة البصاص الصغنن‮«: موظفة في قطاع‮ غرب التابع لمديرية أمن القاهرة،‮ فطست علي روحها من الضحك بعد علمها بتولي رئيس القطاع منصب هام وحساس قوي بالدولة،‮ المسئول سبق واختلف مع الموظفة،‮ وعملت له فضيحة بجلاجل‮ »‬الجلجل‮: هو الجرس،‮ والجلاجل‮: الأجراس‮«‬،‮ قام المسئول علي أثر الفضيحة بنقل الموظفة‮.. الباشا عارف طبعاً‮ هي قالت إيه؟‮!‬،‮ وليه؟‮!.. ربنا حليم ستار‮.‬
‮ الحركة العامة لضباط الشرطة المرتقبة الشهر القادم،‮ سوف تتم بناء علي الأقدمية،‮ الوزير منصور عيسوي أعطي تعليماته الي اللواء‮ يسري الفقي مدير شئون الضباط بأن‮ يعتمد علي الأقدمية فقط،‮ وحذر،‮ من وقوع أية حالة خارج الأقدمية،‮ وقال له بالحرف‮: كل واحد‮ يؤخذ حقه،‮ بصاص تحت التمرين اكد لنا ان اللواء‮ يسري له خمسة من أقاربه في قطاع الأمن الوطني‮.. أهوه ده الشغل‮ يافقي‮.‬
‮ البصاص الصغنن رغم أنه ناسي،‮ وأضبش مابيشوفش كويس،‮ وعنده عشي ليلي،‮ وسمعه تقيل حبتين،‮ لكن معظم الأخبار اللي بيحبها ألسطة اللنش،‮ الأسبوع الماضي أكد ان اللواء منصور عيسوي وزير الداخلية وضع خطة أمنية شديدة،‮ الأيام اللي فاتت اكدت كلام الأضبش،‮ الوزير بقي‮ ينزل الشارع والأكمنة الثابتة والمتحركة ظهرت،‮ وتضييق الخناق علي المجرمين تأكد الأضبش ان الموضوع‮ جامد والأيام الجاية هتشوف أمن زي ما بيقول الكتاب‮.. يسمع من بؤه ربنا‮.‬
‮ الأضبش أكد بنص لسان‮ »‬حرف السين والجيم والراء والزال،‮ والعين والغين والفاء واقعين معاه‮« ان المستشار عاصم الجوهري رئيس جهز الكسب‮ غير المشروع سوف‮ يصدر قرارات حبس لبعض ضباط الشرطة الصغيرين،‮ يقال انهم تربحوا من الوظيفة بمبالغ‮ خيالية،‮ الأضبش وعد باحضار بعض الأسماء الأسبوع القادم،‮ قولوا‮: يارب‮.‬
‮ سؤال ماجوبش عليه‮: اللواء محمد طلبة مدير أمن القاهرة‮ يصر علي بقاء المقدم منتصر زكي رئيساً‮ لقسم العلاقات الانسانية بالمديرية ليه؟‮!.. السؤال طرحه بعض ضباط المديرية‮.. جاوب بقي‮.‬
‮ ضباط ائتلاف الشرطة بالاسكندرية أثاروا حالة من الاستياء بين نزلاء في فندق بمنطقة مصطفي كامل بسبب حساب المشروبات التي نزلت لهم،‮ الضباط رفضوا تسديد الفاتورة‮.. ادفع بقي‮ يامدير الأمن‮.. هو اسمه إيه؟
‮ ضباط الأمن الوطني سألوا البصاص الصغنن‮:‬
هي البلد دلوقتي بتاعت مين؟‮!‬
الصغنن قال‮: مش فاهم‮.‬
قالوا‮: المحاضرات اللي بناخدها دلوقتي بعضها لرجال الإخوان وبعض لمن أدينوا بجرائم قتل‮.‬
الصغنن قال‮: تقصدوا مين؟‮!‬
قالوا‮: عبود طارق الزمر ألقوا علينا محاضرة الأسبوع الماضي‮.‬
الصغنن قال‮: سبحان مغير الأحوال‮.‬
‮ أم شلتوت رضي الله عنها وأرضها حلفت ميت‮ يمين،‮ انها سمعت من أحد البشوات الكبار،‮ ان إدارة التفتيش والرقابة اللي عند الوزير بدأت متابعة الضباط،‮ الباشا اللي كانت في بيته سمعته بيقول في التليفون الوزير أصدر تعليماته بمتابعة كل كبيرة وصغيرة،وكمان خط سير الضباط‮.. اوعي رجلك،‮ القطار طلع‮.‬
‮ اللظلوظ أكد ان النقيب عمرو نوج بأمن الدولة سابقاً‮ تم استبعاده‮ يوم الاثنين الماضي ونقله الي الجوازات‮.. ليه؟‮« الله أعلم‮.. اللظلوظ وعد باستكمال الخبرية الأسبوع القادم‮.‬
‮ بصاص تحت التمرين اكد ان ادارة الكسب‮ غير المشروع سوف تستدعي اللواء هشام منيب مفتش أمن الدولة سابقاً‮ بالأقصر،‮ ومساعد مدير الجوازات بالقليوبية حالياً،‮ يقال ان ثروته بلغت‮ 14‮ مليون جنيه،‮ وان علاقته قوية مع صاحب فندق سونيستا،‮ ومحافظ الأقصر السابق‮.. استر‮ يارب‮.‬
‮ الأربعاء القادم‮ يذهب اللواء أسامة المراسي الي الكسب‮ غير المشروع لسؤاله‮: في إيه؟‮!‬
دي أسرار الكسب مش هنقول‮...‬
‮ اللواء رفعت قمصان مدير إدارة الانتخابات بوزارة الداخلية اسمه ذكر بين الضاط في وقائع لحمة،‮ البعض قال ضاني‮.. والبعض الآخر قال‮: كندوز،‮ والبعض الثالث قال‮: لحمة راس،‮ البصاص الصغنن،‮ قال موضوع اللحمة ده كان وهوه في أمن الدولة،‮ وتفاصيل اللحمة إيه وكميتها،‮ ما‮ يعرفش لكنه أكد انها كانت تصله لحد المكتب‮.‬