12 تصريح ناري لحورية فرغلي في آخر لقاء تلفزيوني لها | شاهد

حورية فرغلي أحد أشهر الفنانات المميزة برقتها وعفويتها وموهبتها الكبيرة، عانت خلال السنوات العشر الماضية بسبب حادث كسر أنفها وواجهت وقتها مشاكل صحية كبيرة واجرت اكثر من 20 عملية جراحية، لتعود من جديد لخطف الأنظار أمس عقب ظهورها في لقاء تلفزيوني كشفت خلاله عن الكثير عن حياتها الحالية وما تمر به.
رمضان 2023.. عرض مسلسل "رمضان كريم 2" على قناة النهار
وزادت معدلات البحث عن الفنانة حورية فرغلي مما جعلها تتصدر مؤشرات جوجل لليوم الثاني على التوالي، ونستعرض في السطور التالية أبرز تصريحاتها التي جذبت انتباه الجمهور خلال لقائها مع الإعلامية إيمان الحصري في برنامج "مساء dmc".
- كنت في منتخب مصر للفروسية، والحصان وقع فوقيا وكسرلي مناخيري تماما، وقبل الحادثة كنت حاجة والناس كانت حاجة وبعد الحادثة بقيت حاجة والناس بقت حاجة.
- خضعت ل 27 عملية جراحية، على مدار حوالي 8 سنين.
- فاضل عملية واحدة في الأنف لتنسيق حجم فتحات الأنف حتى يكونوا متساويان، لكن مش أمر ضروري حاليًا.
- تعرضت لأزمة صحية من سنتين:"كنت بتمنى أموت لأني كنت مش عارفة اعمل العملية المرتبطة بفقداني حاسة الشم وكان فيه كورونا والسفارة مقفولة مش عارفة اسافر ومناخيري مش مناخيري، مش عارفه أبص في المرايه ومش عارفة استطعم الأكل".
- خرجت من تجربة المرض متلخبطة وعندي اكتئاب وكنت حاسة إني في منطقة سوداء ومش عايزة اشوف واتعامل مع حد، والناس اللى كانت بتكلمنى كل يوم، اختفوا، الشغل اللى كان طول الوقت بيطاردنى، اختفى.
- كنت بكلم ناس في التليفون مش بترد عليا، علشان كده فقدت
الثقة في نفسي، لكن الحمدلله دلوقتي احسن.
- الحمدلله سعيدة الفترة دي لأن حالتي الصحية مستقرة وأحسن بكتير من السبع سنين اللى فاتوا ونفسيًا احسن:"أنا دلوقتي زى الفل، ومبسوطة بنفسي جدًا في الوقت الحالي ومش بهتم بتعليقات الناس".
- أنا زي الفل مفيش فيا أي حاجة وصحتي كويسة، زمان كنت إنفة قوى لأني كنت ملكة جمال مصر من زمان، فكنت ببص في كل حتة بجسمى ووشي.. لكن دلوقتى الحمد لله راضية بشكلى ومناخيري وأى حاجة ربنا عامله فيا.
- لكل اللي بينتقدني:"أخدت ثقة في نفسي غريبة واللى مش عاجبه أى حاجة فيا يبص في أي ناحية تانية، والجمال نسب والجمال الحقيقي والدائم هو الروح الحلوة والدم الخفيف".
- الصفحة الموثقة الحالية على السوشيال ميديا وعليها 6 مليون شخص لا تتبعني وبحاول استعادتها.
- اكتشفت أن في حد عملي عمل بعد مسلسل ساحرة الجنوب.
- انتظر فرصة عمل جديدة، علشان ارجع اشتغل تاني ويارب تيجي، وحلم حياتي تقديم جزء ثالث من ساحرة الجنوب وأقدم عمل اجسد فيه شخصية حتشبسوت.