حلت الفنانة إيمي طلعت زكريا، ضيفة في برنامج "عيش سعيد"، والذي يقدمة كلًا من : إيهاب صالح، لينا صالح، وسهي رضا، على قناة Etc. اقرأ أيضا.. ليلى علوي تتجول في شوارع إيطاليا.. صور وكشفت عن علاقتها بالفنانة هنا الزاهد، وأخواتها ومن أبرز تصريحاتها ومن تتمنى العمل معه، وعن أعمالها القادمة : "انا فعلًا بعتبر هنا، وأخواتها اخواتي لأن فعلًا بابا، كان بيحبهم جدًا، وانا اي حد بابا، كان بيحبه انا بحبه، لسه حتى الأسبوع اللي فاتت كنت عندهم انا وعمر، كنا سهرانين عندهم لحد بعد الفجر، وكانت هنا، موجودة، وكنا قاعدين وأحمد، قاعد يكلمنا فيديو كول، احنا عيلة بعيد عن أي كلام مفيش غِيرة، غيرة اي، يعني انا لاين، وهنا، لاين تاني خالص، ودايمًا اي حاجة بتعملها انا ببارك لها، وهي اي حاجة انا بعملها هي بتبارك لي، وعلى طول مع بعض، وبنقعد مع بعض نفتكر بابا، ولازم نقرأ له الفاتحة، واحنا قاعدين مع بعض متجمعين ". وتابعت :" لا هو زمانه مبسوط دلوقتي، حتى علاقة مامت هنا، ب مامتي حلوة جدًا جدًا، اصل خلاص هو راح ف اي حاجة لا خلاص احنا مع بعض، وكويسين مع بعض، ومامت هنا، كانت قاعدة جنب ماما، في العزا وبيخدوا العزا". وأضافت :" رغم انه كان انفصل عن مامة هنا، قبل الوفاة بسنة، بس علاقتنا كانت كويسة، انا بحبهم بحسهم ان هما أخواتي، بينا حاجات كتير ومواقف كتير، ف لا مفيش بينا حاجة تانية خالص ". " بعد الزعيم، انا كان نفسي، اشتغل مع الزعيم لكن ده محصلش، اشتغلت مع سمير غانم، وحسن يوسف، طبعًا ووقفت ادامهم على خشبة المسرح ده بالنسبة لي انا كدا اكتفيت ". وأكملت : " نفسي اشتغل من الجيل ده طبعًا من اذكي الفنانين اللي انا بشوفها، وهو نجم في حتته وبرافو عليه جدًا ونفسي اشتغل معاه أحمد مكي". وتابعت :" أحمد مكي، اد اي ممثل ذكي، مبيتكلمش كتير على الفاضي، بيشتغل وبِينجح اي حد بيشتغل معاه، يعني بيومي فؤاد، محمد سلام، ناس كتير جدًا اشتغلوا معاه ونجحوا، ونفسي جدًا اشتغل معاه، ورحمة وكل الناس دي ". وأضافت : " هو بيحب يساعد الممثل، مبيحبش يبخل على الممثل بأي حاجة فنفسي أحمد مكي، جدًا ". " هولسه مفيش تحضير لحاجة في رمضان بس في مسرح، لاني بعشق المسرح جدًا، مع المنتج الكبير أحمد الإبياري، انا مش عارفة هيقول اي بعد التصريح ده ربنا يستر، حاجة برده قريب ان شاء الله وهتبقى حاجة على مستوى كبير جدًا وحاجة فيها شغل كتير". وتابعت :" بحب المسرح جدًا، عايزة اقولك ان في نجوم باقت معروفة جدًا بتخاف تشتغل مسرح، تقولك لا انا مقدرش أقف على خشبة مسرح، اشتغل سينما، واشتغل فيديو، لكن المسرح ده مرعب ف ناس كتير جدًا كدا". وأختتمت :" البروفات هتبدأ قريب لكن العرض هيبقى على نص السنة، وباقي الكاست لسه انا فعلًا معرفش باقي الكاست ". برنامج "عيش سعيد"، والذي يقدمة كلًا من : إيهاب صالح، لينا صالح، وسهي رضا، كل أسبوع من الخميس للأحد الساعة الثالثة عصرًا على Etc TV ورئيس التحرير ندي إمام ومسئولة الملف الفني بالبرنامج يارا احمد وإخراج علي سعودي
