كتبوا اسمي على جوجل لقوا كوارث| أحمد سعد: كل أهل مراتي اعترضوا على زواجنا (فيديو)

اعترف الفنان أحمد سعد، بأن أهل زوجته علياء بسيوني، اعترضوا على فكرة زواجهما في البداية خلال حوارهما مع الإعلامية بسمة وهبة مقدمة برنامج "90 دقيقة"، الذي يعرض عبر شاشة "المحور".
اقرأ أيضًا.. بمليون و200 ألف .. (ع الدوغري) تحتل المركز الأول على يوتيوب .. فيديو
في أول ظهور إعلامي لهما| أحمد سعد ممازحًا زوجته: عليها حنجرة تطفش بلد (فيديو)
وقال "سعد": "مفيش حد معترضش، أنا متصالح مع الموضوع، لأني بشوف الحاجات
اللي بتتكتب عني وعدد الناس اللي بتهاجمني من غير ما تعرفني، وكل ده مش بيضايقني، لكن اللي يضايقني إن حد يعرفني يبقى عنده نفس وجهة النظر دي".
وذكرت علياء بسيوني، أنها أرادت جس نبض والدتها للتعرف على رأيها في ارتباطهما: "مخدتش بالها، وقالت لي إن في حد جايب لي عريس، لكن أنا قلت لها الكلام ده
مش شخصيتي خالص، وكلمت أخويا وقلت علي اللى حصل، وطلبت منه يقابله، واتفقنا على معاد".
وواصلت: "قبل المعاد قالي مش هينفع، قالي كتبت اسمه على جوجل لقيت كوارث، فقلت له إحنا اتفقنا على معاد، ولو انت قلت لأ، أوعدك إن الموضوع خلص أنا مبرجعش في كلامي، ولما نزلنا نتقابل، نسيتهم لأنهم قعدوا يتكلموا مع بعض واتقابلوا تاني يوم، ولما اتجوزنا وبقينا نتخانق كل يوم خميس وأقول لماما وأقولها مش عاوزة أشوف وشه تاني كانت تطلب مني أرجع له، ودلوقتي مبقيناش نتخانق خالص".
للمزيد من أخبار قسم الميديا اضغط هنا