عمر كمال ل الداعية علاء حامد : بكسب بالحلال أنا مش بتاع مخدرات

آثار مطرب المهرجانات الشعبي عمر كمال خلال ، الفترة الماضية للجدل ، كما تعرض للانتقادات اللاذعة وذلك بسبب منشور كتبه عبر حسابه الخاص بموقع فيس بوك مع إعلان نتيجة الثانوية العامة.
اقرأ أيضًا..
بعد تقليله من الثانوية| نشأت الديهي يشن هجومًا حادًا على عمر كمال: كلامك عبيط (فيديو)
ووجه كمال ، خلال المنشور نصيحة للطلبة قال فيها أن الدرجات ليست نهاية المطاف، والأهم هو تحصيل النقود، ما عرضه لهجوم حاد من قبل رواد مواقع التواصل الاجتماعي.
ونشر الداعية علاء حامد منشور عمر كمال عبر صفحته الرسمية بموقع فيس بوك متسائلًا الجمهور عن مفهوم النجاح بالنسبة لهم إذ كتب: إيه رأيكم في هذا الكلام؟، إحنا محتاجين نضع تعريف محدد لمفهوم النجاح
اكتبوا لي... ما هو النجاح في رأيكم.
كما وجه رسالة ل عمر كمال ناصحًا له أن
يترك أبواب الحرام مشيرًا إلى أن بداخله خيرًا كثيرًا .
رسالة الداعية علاء حامد ل عمر كمال
كتب الداعيه له قائلًا:"ربنا يهديك ويتوب عليك يا رب، وربنا يرزقك من حلال، صدقني... إنت فيك خير كبييير قوي ويارب تسمع كل حد بيحبك وبينصحك وبيتمنى لك الخير.. وتترك الأبواب الحرام (الموسيقى والرقص والحفلات).. وتتأكد إن اللي عند ربنا أحسن بكتير.. والجنة غالية قوي.. وربنا مش حيضيع عبد رجع ليه.. حتلاقي ناس كتير بتنصحك في الكومنت هنا... الناس دي هي اللي عايز لك الخير بجد.
رد عمر كمال على الداعيه علاء حامد
من جانبه رد عمر كمال على تعليق الداعية موضحًا مقصده من المنشور الذي كتبه وعرضه
للهجوم إذ كتب: يا شيخ علاء أنا بقول الثانوية العامة مش نهاية الدنيا.. أهم حاجة إنك تشتغل وتتعب وتحقق لنفسك عيشة كريمة وأكيد بديهى جدا هتكون بالحلال أنا مش بتاع مخدرات ولا إنسان وحش للدرجة ديه عشان الناس تعاملنى بالشكل ده.. كلنا بنتعب وبنشتغل عشان نجيب فلوس ونعيش عيشة كويسة في الآخر وده قصدي.
ليوجه له علاء حامد رسالة أخرى كتب فيها: فرحان قوي بردك المحترم.. إنت إنسان طيب وأنا فاهم قصدك كويس.. بس إحنا فتحنا موضوع النجاح بشكل عام دون إساءة علشان كل الشباب يفهم إن النجاح مش بس فلوس.. ولو فلوس لازم تكون حلال وبشكل يرضي ربنا.
وتابع: إنت عارف يا طيب إحنا بننصحك في ايه... أنت مش تاجر مخدرات وكلنا فينا الخير والشر... بس صدقني يا عمر شغل المهرجانات والحفلات واللي بيحصل في الحفلات والله مش حلال ولا يرضي ربنا...وهي دي نصيحتنا ليك يا طيب... والله بنحب لك الخير.. وأتمنى نتقابل مرة ونقعد مع بعض... ربنا يبارك فيك وفي والدتك الطيبة.