عمر كمال ل أحد المشايخ: أنا مش بتاع مخدرات

دافع مطرب المهرجانات عمر كمال، عن نفسه بعد الحملة الشرسة التي تعرض لها عبر موقع التواصل الاجتماعي "فيس بوك" وذلك بعد نشره تدوينة تحدث فيها عن نتيجة الثانوية العامة، مؤكدًا علي أن الأهم هو تحصيل النقود، الأمر الذي تسبب في هجوم رواد الموقع عليه.
ورد عمر علي أحد المتابعين يدعى علاء حامد، يقدم عبر صفحته محتوى دينيًا، حاول نصحه، في تعليق قال فيه "ربنا يهديك ويتوب عليك يا رب، وربنا يرزقك من حلال.. صدقني إنت فيك خير كبير قوي ويارب تسمع كل حد بيحبك وبينصحك وبيتمنى لك الخير.. وتترك الأبواب الحرام الموسيقى والرقص والحفلات وتتأكد إن اللي عند ربنا أحسن بكتير.. والجنة غالية قوي.. وربنا مش حيضيع عبد رجع ليه.. حتلاقي ناس كتير بتنصحك في الكومنت هنا.. الناس دي هي اللي عايزة لك الخير بجد".
من جانبه، رد عمر كمال على صاحب الحساب، قائلا "يا شيخ علاء أنا بقول الثانوية العامة مش نهاية الدنيا أهم حاجة انك تشتغل وتتعب وتحقق لنفسك عيشة كريمة وأكيد بديهي جدا هتكون بالحلال، أنا مش بتاع مخدرات ولا إنسان وحش بالدرجة دي علشان الناس تعاملني بالشكل دا، كلنا بنتعب وبنشتغل علشان نجيب فلوس ونعيش عيشة كويسة في الآخر ودا قصدي".
يذكر أن تعليق الشيخ علاء حامد قد جاء بعد المنشور الشهير لعمر كمال حين قال على صفحته الخاصة على موقع "فيس بوك": "جبت 90% جبت 70% جبت 40% الشاطر اللي يعرف يجيب فلوس في الآخر".