"رجعي الفلوس" .. محمد العدل يهاجم حلا شيحة

رد المنتج محمد العدل، على تصريحات حلا شيحة، والتي هاجمت خلالها النجم تامر حسني، بسبب مقاطع غنائية من فيلم "مش انا" الذي جمعتهما سوياً.
اقرأ ايضاً .. بسبب مشاهدها في فيلم "مش أنا".. حلا شيحا تهاجم تامر حسني وتغلق التعليقات
وكتب "العدل" عبر حسابه على موقع التواصل الإجتماعي "فيسبوك":" اللى عملتيه شايفاه حرام .. هتصرفى فلوس حرام .. رجعى الفلوس ".
وهاجمت الفنانة حلا شيحة، نجم الجيل الفنان تامر حسني، بسبب بعض المشاهد التي جمعتهما سوياً من فيلم "مش أنا"، وذلك عبر حسابها الرسمي على موقع تبادل الصور والفيديوهات الشهير "إنستجرام".
اقرأ المزيد .. "الأكثر شعبية في السينما العراقية".. إشادات رواد تويتر ب فيلم مش أنا
وكتبت "شيحة":" انا اتفاجئت جداً بنزول كليب يجمع فيه مشاهد متفرقة من الفيلم و في ايام ذي الحجة ايام مباركة و خصوصاً بعد اخر بوست نزلته و وضحت فيه انا
ايه، و اتفاجئت اكتر خصوصا ًبعد وعد تامر حسني ليا وتأكيده انه حيحترم رغبتي و بعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي ".
وأضافت، احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح أنا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح".
وتابعت، بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل و بننسى، انا مش حتكسف من حد انا
تبت من المشاهد دي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا، والفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن".
واختتمت، "احنا كلنا عندنا امتحان في الدنيا دي و حابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك و جوانا كلناشوفه تاني يمكن يفكرك ان جواك اكيد في صراع و انا وكلنا بنغلط بس المهم في الاخر نتدارك الغلط و نصلح .{إِلَّا مَن تَابَ وَءَامَنَ وَعَمِلَ عَمَلاًصَٰلِحاً فَأُو۟لَٰۤىِٕكَ يُبَدِّلُ 0للَّهُ سَئَِّاتِهِمۡ حَسَنَٰت وَكَانَ 0للَّهُ غَفُورا رَّحِيما}.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد.".
tags موضوعات ذات صلة
تامر حسني يستحوذ على صدارة يوتيوب لهذا السبب