فجرت الفنانة حلا شيحة مفاجأة من العيار الثقيل، وأبدت غضبها من طرح الفنان تامر حسني لكليب من فيلمهما الأخير «مش أنا». ووجهت حلا رسالة قوية إلى تامر قائلة "أنا اتفاجئت جدا ًبنزول كليب يجمع فيه مشاهد متفرقة من الفيلم و في أيام ذي الحجة أيام مباركة وخصوصاً بعد آخر بوست نزلته و وضحت فيه أنا إيه، اتفاجئت اكتر خصوصا ًبعد وعد تامر حسني ليا وتأكيده إنه هيحترم رغبتي و بعض الطلبات اللي طلبتها منه بكل احترام وود الصيف اللي فات و أكدلي إنه حيحترم رغبتي". وأضافت" احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح، انا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح، بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل و بننسى" وتابعت "انا مش حتكسف من حد انا تبت من المشاهد دي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا . وأكدت "أن الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن، احنا كلنا عندنا امتحان في الدنيا دي و حابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك و جوانا كلنا". ووجهت كلامها للفنان تامر حسني وقالت: شوفه تاني يمكن يفكرك ان جواك اكيد في صراع، كلنا بنغلط بس المهم في الاخر نتدارك الغلط و نصلح . واستشهدت بالأية القرأنية {إِلَّا مَن تَابَ وَءَامَنَ وَعَمِلَ عَمَلࣰا صَٰلِحࣰا فَأُو۟لَٰۤىِٕكَ يُبَدِّلُ 0للَّهُ سَئَِّاتِهِمۡ حَسَنَٰتࣲۗ وَكَانَ 0للَّهُ غَفُورࣰا رَّحِيمࣰا}.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد. يذكر أن الفنانة حلا شيحة قد تجاهلت الاعلان الرسمي للفيلم، وكذلك تغيبت عن حضور العرض الأول. وغابت حلا شيحة عن العرض الخاص لفيلم "مش أنا"؛ حيث انتشرت معلومات بوجود خلاف بينها وبين تامر حسني بسبب ترتيب وجودها على التتر؛ فيما قال البعض إن زوجها معز مسعود هو السبب في ذلك. وأثارت حلا شيحة التساؤلات في الفترة الأخيرة؛ بعد تجاهلها برومو وبوستر فيلمها مع تامر حسني "مش أنا" وعدم حضورها العرض الخاص. كما تجاهلت أي أخبار عن الفيلم، ولم تشارك بصورة واحدة من العمل أو تنشر البرومو الذي من المفترض أنها كانت في انتظاره منذ سنوات كما أعلنت من قبل. من اللافت أيضاً حذف حلا شيحة صورها الترويجية لفيلم مش أنا والتي كانت قد نشرتها من قبل عبر انستجرام، وهو ما دفع البعض للتساؤل مجدداً هل يأتي هذا التجاهل بسبب وازع ديني جعلها تعاود التفكير في الاعتزال مرة أخرى أم أن تجاهل الترويج للفيلم نابع من خلاف خفي مع تامر حسني؟. كما ألغت منذ أيام متابعتها لكل من تامر حينى ومحمد رمضان على موقع التواصل الاجتماعى انستجرام. View this post on Instagram A post shared by Hala Shiha (@halashihanew)
