كيف تتغلب علي مشكلة التبول اللاإرادي عند طفلك

عرض الدكتور محمد رفاعي رئيس لجنة ذوي الإعاقة بالوحدة الوطنية لدعم رئاسة الجمهورية، ورئيس لجنة ذوي الإعاقة بالمنظمة الدولية لحقوق الإنسان ومكافحة الفساد، كيفية التغلب على مشكلة التبول اللا إرادي عند طفلك قائلا:
-هذا السلوك يختلف من طفل لآخر ، ولا بد أن نفرق بين طفل اعتاد طول عمره على عدم التحكم في الليل، وده النوع الأول والأكثر شيوعا
وطفل آخر كان يتحكم في نفسه ((لمدة 6 أشهر على الأقل)) و بعد ذلك بدأ يتبول على نفسه، و ده النوع التاني.
وأكد "رفاعي" أن هذين النوعين مختلفين تماما عن بعض ولهم أسباب مختلفة وعلاج مختلف في كثير من الأحيان، فناخد في الاعتبار ابننا فين بالضبط.
وتسأل رئيس لجنة ذوي الاعاقة بالوحدة الوطنية لدعم رئاسة الجمهورية، في حالة أن يكون ابنك من النوع الأول ماذا تفعل؟
اولا : هذا السلوك اسمه لا إرادي .. يعني مش بمزاج الطفل .. الطفل ، لا يقصد مضايقتكم .
العكس صحيح .. حسب الدراسات ... اكثر شىء يحبط الطفل و تأثر في نفسيته بعد خناق الاب و الام مع بعض امامه !
وفي هذه الحالة نبتعد تماما عن اي عقاب من اية نوع .. لا ضربه ولا نهره ولا حتى تظهر امامه الغضب ! تصرف الاهل من اهم اسباب الانتكاس في هذا الموضوع ، لا بد ان نأخذ ذلك في الاعتبار !!
وتوجه "رفاعي" برسالة إلى كل أم لا تعلقي عليه أمام أخواته.
ثانيا: قبل الابتداء في اي تمرين لابد من الابتعاد عن سببين عضوين مهمين جدا كتير من الناس لا
ياخدوا بالهم منه ..
- وجود لحمية بتأثر على نوم الطفل
- وجود ديدان
لان احد اهم اسباب التبول الليلي ،، ان معظم الديدان بتنشط بالليل و تتحرك و تعمل تهيج في الاغشية المخاطية لفتحة الشرج ، مما يسبب توتر في المثانة ، لان المستقبلات الحسية واحدة ،، في تبول ليلي ،، اذن لابد ان نستبعد وجود ديدان ، او التهابات في البول نعالجها الاولي.
ثالثا: في سن 5 سنوات يعتبر التبول اللاإرادي حاجة طبيعية .. وفي طفل يتحكم عند سن السنتين ، وطفل يتحكم عند ال 5 .. لا تقارن ابنك بحد !!
رابعا: الأطفال و خصوصا في البرد ممكن يفلت منهم البول ساعات و هما نايميين ،، عشان نقول ان الطفل بيعاني من تبول لا ارادي لازم على الاقل : يكون بيعمل و هو نايم مرتين اسبوعيا لمده 3 شهور ،، غير كده فوتو ،،
خامسا: عشان طفلك يتحكم في البول بالليل ،، لازم يكون اتحكم فيه تماما الصبح الاول ،، مفيش حاجة اسمها نبتدي الاتنين مع بعض !
طيب اعمل ايه يساعد ابني يتخلص من الموضوع ده ؟
1. وجبة العشاء لازم تكون قبل النوم بساعتين ،، عشان الطفل ميطلبش مية بزيادة قبل النوم ،،
2. اي سوائل غير المية ممنوعة قبل النوم بساعتين
3. الطفل لازم يدخل قبل ما ينام
مباشرة
4. الطفل يصحى بعد النوم بساعتين .. يدخل الحمام ..
5. يدخل الحمام يعني يدخل فعليا ،، مينفعش نجيب البوتي جنب السرير عشان يعمل ،، هو مش بيكون في كثير من الاحيان في كامل وعيه ،، بيعمل و هو شبه نايم ،، اليوم اللي مفيش فيه بوتي هيعمل على نفسه عادي !
6. الاوضة اللي نايم فيها لازم تكون قريبة من الحمام !! و مفيش عقبات بينهم ،، لا باب مقفول ولا سلم ،،
7. نور الحمام يكون مفتوح على طول ،، يتخط لمبه سهاري في اوضة الطفل ،، كل ده ممكن يشجعه على انه يقوم ..
8. بعد سن ال 5 سنين ،، مفيش بامبرز بالليل ،، اعلي اي حاجة ،، مشمع ،، اي احتياطات بس بلاش بامبرز
9. قولنا مفيش عقاب ،، الحاجة الوحيدة اللي مسموح نعملها ان يشيل معانا الملايات و يحطها في الغسالة
10. و طبعا المكافئة ثم المكافئة ثم المكافئة لما يقوم ناشف ،، ممكن نعمل حاجة اسمها جدول النجوم متقسم 30 خانة ،،. اليوم الناشف هنحط فيه نجمة و نتفق معاه على هدية محددة لما يجيب عدد نجوم معين
11. هنحاول نمرن المثانة اثناء النهار و نزود قدرتها الاستيعابية و ده عن طريق ان احنا نحاول نشجعه يمسك نفسه شوية قبل ما يدخل الحمام ،، بس طبعا نخللي بالنا منسيبهوش لحد ما يعمل على نفسه
طيب كل اللي فات ده مجابش نتيجة ؟!! و الطفل اكبر من 5 سنين ؟؟! يبقى لازم نعمل حاجتين :
اولا: هنجيب حاجة بتجيب نتايج كويسة جدا اسمها ((جهاز تنبيه للتبول اللا ارادي)) بيركب عند الطفل بيدي رنة و يقوم الطفل اول ما يعمل عشان يكمل في الحمام
ثانيا: هيتعرض على الدكتور عشان احتمال يحتاج بخاخة المنيرين للأنف .. و بخاخة بس !! ((كل الادوية اللي بتتكتب في حالات التبول اللا ارادي ليها اعراض جانبية و تأثيرها مش مضمون و البخاخة افضل بمراحل) .